ଫୁଲବାଣୀ : ସାରା ରାଜ୍ୟରେ ବର୍ତ୍ତମାନ କିଛିଦିନ ହେଲା ବ୍ଲକ ମୁଖ୍ୟାଳୟ ଠାରୁ ଆରମ୍ଭ କରି ଜିଲ୍ଲା ମୁଖ୍ୟାଳୟ ମାନଙ୍କରେ ଆମ ଓଡିଶା ନବୀନ ଓଡିଶା କାର୍ଯ୍ୟକ୍ରମ ଚାଲିଥିବା ବେଳେ ବିଭିନ୍ନ ଜାଗାରେ ଏହି କାର୍ଯ୍ୟକ୍ରମକୁ ସରପଞ୍ଚ ସଙ୍ଘ ଗୁଡିକ ବିରୋଧ କରୁଥିବା ଦେଖିବାକୁ ମିଳିଛି । ଫିରିଙ୍ଗିଆ ବ୍ଲକ ମୁଖ୍ୟାଳୟରେ ସୋମବାର ଦିନ ହେବାକୁ ଥିବା ଏହି ଆମ ଓଡିଶା ନବୀନ ଓଡିଶା କାର୍ଯ୍ୟକ୍ରମକୁ ଫିରିଙ୍ଗିଆ ସରପଞ୍ଚ ସଙ୍ଘ ତରଫରୁ ବିରୋଧ କରିବା ସହ କାର୍ଯ୍ୟକ୍ରମରେ ସହଯୋଗ କରିବେ ନାହିଁ ବୋଲି ସରପଞ୍ଚ ସଂଘ ତରଫରୁ ସୂଚନା ମିଳିଛି। ଏନେଇ ଫିରିଙ୍ଗିଆ ବ୍ଲକ ସରପଞ୍ଚ ସଙ୍ଘ ତରଫରୁ ଗୋଷ୍ଠି ଉନ୍ନୟନ ଅଧିକାରୀ ଅନୁପ ଅଭିଷେକ ବେହେରାଙ୍କୁ ମଧ୍ୟ୍ୟ ଏକ ଲିଖିତ ପତ୍ର ଦିଆଯାଇଥିବା ସଂଘ ତରଫରୁ ସୂଚନା ମିଳିଛି। ସୂଚନା ଅନୁସାରେ ରାଜ୍ୟରେ ନିର୍ବାଚିତ ହୋଇଥିବା ସରପଞ୍ଚ ମାନେ ନିଜର ହକ ପାଇଁ ଦୀର୍ଘ ଦିନ ଧରି ୧୫ ଦଫା ଦାବିପତ୍ର ରାଜ୍ୟ ସରକାରଙ୍କ ପାଖରେ ଦାବି ଉପସ୍ଥାପନ କରି ଆସୁଥିବା ସହ ବାରମ୍ବାର ରାଜଧାନୀର ରାଜରାସ୍ତାରେ ଆନ୍ଦୋଳନ କରି ଆସୁଛନ୍ତି। କିନ୍ତୁ ରାଜ୍ୟ ସରକାର ସରପଞ୍ଚ ମାନଙ୍କ ପ୍ରତି ବାରମ୍ବାର ବୈମାତୃକ ମନୋଭାବ ପୋଷଣ କରିବା ସହ ସରପଞ୍ଚ ମାନଙ୍କ କୌଣସି ଦାବି ମାନୁନାହାନ୍ତି। ଯେଉଁଥି ପାଇଁ ସରକାର ସରପଞ୍ଚ ମାନଙ୍କ ଦାବି ଗୁଡିକୁ ନମାନିବ ଯାଏ ସରପଞ୍ଚ ମାନେ କୌଣସି ସରକାରୀ କାର୍ଯ୍ୟକ୍ରମରେ ଯୋଗ ଦେବେ ନାହିଁ ବୋଲି ରୋକଠୋକ ମନା କରିଛନ୍ତି। ଅନ୍ୟପଟେ ସଭା ସ୍ଥଳକୁ ଲୋକ ଆଣିବା ପାଇଁ ରବିବାର ଛୁଟି ଦିନ ହୋଇ ଥିଲେ ମଧ୍ୟ୍ୟ ବ୍ଲକ ଅଧୀନରେ ଥିବା ବିଭିନ୍ନ ପଞ୍ଚାୟତରେ କାର୍ଯ୍ୟରତ କାର୍ଯ୍ୟନିର୍ବାହୀ ଅଧିକାରୀ ମାନେ ପଞ୍ଚାୟତ କାର୍ଯ୍ୟାଳୟ ମାନଙ୍କରେ ପଞ୍ଚାୟତ ସ୍ତରୀୟ କର୍ମଚାରୀ ୱାର୍ଡ ମେମ୍ବର ଓ ଗାଁ ସାଥି ମାନଙ୍କୁ ନେଇ ବୈଠକ କରୁଥିବା ଦେଖିବାକୁ ମିଳିଛି। ଏହା ସମ୍ପୂର୍ଣ୍ଣ ସରକାରୀ କାର୍ଯ୍ୟକ୍ରମ ହୋଇଥିବା ବେଳେ ସଭାସ୍ଥଳକୁ ବିଜୁ ଜନତା ଦଳର ନିର୍ବାଚନୀ ସଭା ଭଳି ସଜା ଯାଇଥିବାରୁ ଅନ୍ୟ ରାଜନୈତିକ ଦଳ ଏହାକୁ କଟାକ୍ଷ କରିବା ସହ ବିରୋଧ କରିଛନ୍ତି
Popular Categories
Previous article
Next article