ସାରନଗରୀ : ସାରନଗରୀ ବସଷ୍ଟାଣ୍ଡ ପରିସରରେ ଥିବା ମା’ତାରିଣୀଙ୍କ ଚାରି ଦିବସୀୟ ୧୮ତମ ବାର୍ଷିକୋତ୍ସବ ଉଦ୍ଯାପିତ ହୋଇଯାଇଛି। ସକାଳେ ପୂଜାର୍ଚ୍ଚନା ପରେ ସନ୍ଧ୍ୟାରେ ଆୟୋଜିତ ହେଉଥିବା ମହାଯଜ୍ଞର ପୂର୍ଣ୍ଣାହୁତି ହୋଇଥିଲ। ପ୍ରାତଃ ଚଣ୍ଡିପାଠ, ଦୁର୍ଗାସହସ୍ର ପାଠ, ସୂର୍ଯ୍ୟପୂଜା, ଗୋପୂଜା, ସପ୍ତମ ଦେବାଦେବୀ ପୂଜା ପରେ ସନ୍ଧ୍ୟାରେ ସାରନଗରୀ ସମେତ ଆଖ ପାଖ ଅଞ୍ଚଳର ଶ୍ରଦ୍ଧାଳୁମାନେ ପୂର୍ଣ୍ଣାହୁତିରେ ନଡ଼ିଆ ଓ ଘିଅ ଦାନ କରିଥିଲେ। ଘଣ୍ଟ ଓ ହୁଳହୁଳିରେ ପ୍ରକମ୍ପିତ ହେଲା ସାରନଗରୀ। ସୁନାବେଶ ଦେଖିବାକୁ ଭକ୍ତମାନଙ୍କ ଭିଡ଼ ପରିଲକ୍ଷିତ ହୋଇଥିଲ। ପଣ୍ଡିତ ସୁଶାନ୍ତ ପାଢୀ, ଦୀପକ ରଂଜନ ଦାଶ, ଲକ୍ଷ୍ମୀଧର ମହାପାତ୍ର, ଦୂର୍ଗାପ୍ରସାଦ ଦାଶ ଯୋଗ ଦେଇଥିଲେ। ପଣ୍ଡିତ ହେମନ୍ତ ନନ୍ଦ ପୂଜା କାର୍ଯ୍ୟ ପରିଚାଳନା କରିଥିଲେ।
ମା’ଙ୍କୁ ଦର୍ଶନ କରିବା ଲାଗି ତାରିଣୀ ମନ୍ଦିର ପରିସରରେ ଶ୍ରଦ୍ଧାଳୁଙ୍କ ଭିଡ଼ ପରିଲକ୍ଷିତ ହୋଇଥିଲ। ମନ୍ଦିର ପରିଚାଳନା କମିଟି ପକ୍ଷରୁ ଶ୍ରଦ୍ଧାଳୁଙ୍କ ପାଇଁ ପ୍ରସାଦ ସେବନର ବ୍ୟବସ୍ଥା କରାଯାଇଥିଲ। ମା’ତାରିଣୀ ପୀଠ ପରିଚାଳନା କମିଟି ପକ୍ଷରୁ ସମସ୍ତ ସଦସ୍ୟ କାର୍ଯ୍ୟକ୍ରମରେ ସକ୍ରିୟ ଭୂମିକା ଗ୍ରହଣ କରିଥିଲେ।
Comments are closed.