ବୌଦ୍ଧ : ବୌଦ୍ଧ ଜିଲା ଖୋର୍ଦ୍ଧା-ବଲାଙ୍ଗିର ଜାତୀୟ ରାଜପଥର ମଥୁରା ଠାରେ ଠିଆ ହୋଇଥିବା ଟ୍ରକ ପଛରେ ଏକ ବାଇକ ପଶି ଯିବାରୁ ଘଟଣାସ୍ଥଳରେ ଜଣଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ଜଣେ ଗୁରୁତର ହୋଇଥିବା ଜଣାପଡିଛି। ମିଳିଥିବା ସୂଚନା ଅନୁଯାୟୀ ମଥୁରା ଛକରେ ଏକ ଟ୍ରକ ଖରାପ ହୋଇଥିବା ଯୋଗୁଁ ରାସ୍ତା କଡରେ ଠିଆ ହୋଇଥିଲା। ଗତ ରବିବାର ରାତିରେ ପୁରୁଣାକଟକ ଥାନା ଖଣ୍ଡହତା ଗ୍ରାମର ଫକିର ଶାଣ୍ଡ ଓ ହରଭଙ୍ଗା ଥାନାର ଭେଜିଗୋଡା ଗ୍ରାମର ସଂପର୍କୀୟ ଭାଇ ବିଶ୍ୱଜିତ ଦଳବେହେରାଙ୍କଙ୍କ ସହ ଏକ ବିବାହ ଭୋଜି ଖାଇ ଏକ ମଟର ସାଇକେଲ ଯୋଗେ ଘରକୁ ଫେରୁଥିବା ବେଳେ ବିଳମ୍ବିତ ରାତିରେ ମଥୁରା ଠାରେ ଠିଆ ହୋଇଥିବା ଟ୍ରକକ ପଛରେ ବାଇକ ସହ ପଶିଯାଇଥିଲେ।
ଘଟଣା ସ୍ଥଳରେ ଫକିର ଶାଣ୍ଡଙ୍କ ମୃତ୍ୟୁ ହୋଇଥିବା ବେଳେ ତାଙ୍କ ସଂର୍ପକୀୟ ଭାଇ ବିଶ୍ୱଜିତ ଗୁରୁତର ହୋଇଥିଲେ। ଗୁରୁତର ବିଶ୍ବଜିତକୁ ବୌଦ୍ଧ ମେଡିକାଲରେ ଭର୍ତ୍ତି କରାଯାଇଛି। ଖବର ପାଇ ବୌଦ୍ଧ ପୁଲିସ ଘଟଣା ସ୍ଥଳରେ ବାଇକୁ ଜବତ କରିବା ସହ ମୃତଦେହକୁ ବ୍ୟବଚ୍ଛେଦ ପାଇଁ ବୌଦ୍ଧ ପଠାଇବା ସହ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
Comments are closed.