ଆଠଗଡ : ଆଠଗଡ ତହସିଲ ପକ୍ଷରୁ ଚୋରା ବାଲି ବୋଝେଇ ଏକ ହାଇୱା ଟ୍ରକ ଜବତ କରାଯାଇଥିବା ଜଣାପଡିଛି । ଅତିରିକ୍ତ ତହସିଲଦାର ଅଶୋକ କୁମାର ସ୍ୱାଇଁ, କୁଲାଇଲୋ ପଞ୍ଚାୟତ ଅଧିନ ତୋଟାପଡା ନିକଟରେ ୬୫ନଂ ରାଜ୍ୟ ରାଜପଥରେ ଆବଶ୍ୟକୀୟ ଅନୁମତିପତ୍ର ନଥାଇ ବାଲି ବୋଝେଇ ହାଇୱାଟି ଯାଉଥିବାବେଳେ ତାକୁ ଜବତ କରିଥିଲେ । ସେହି ଟ୍ରକ ମାଲିକଙ୍କଠାରୁ ୪୦୪୯୦ଟଙ୍କା ଜରିମାନା ଆଦାୟ ପରେ ଟ୍ରକ୍ଟିକୁ ଛାଡି ଦିଆଯାଇଥିଲା । ଏବେ ଆଠଗଡ ସହର ମଧ୍ୟଦେଇ ପ୍ରତିଦିନ ୪୦-୫୦ଟି ଟ୍ରକରେ ବାଲି, ମାଙ୍କଡାପଥର, କଳା ମୁଗୁନିପଥର ଆଦି ଲଘୁ ଖଣିଜ ସାମଗ୍ରୀ ବ୍ୟାପକ ଭାବେ ଚୋରା ଚାଲାଣ ହେଉଥିଲେ ମଧ୍ୟ ତହସିଲରେ କର୍ମଚାରୀ ଅଭାବ ଯୋଗୁଁ ଚଢାଉ କରି ସେଗୁଡିକୁ ଧରିବା ସମ୍ଭବ ହେଉନାହିଁ। ଆବଶ୍ୟକୀୟ କର୍ମଚାରୀ ପଦବୀ ପୂରଣ ହେଲେ ନିୟମିତ ତହସିଲ ସ୍କ୍ବାର୍ଡ ଚଢାଉ କରି ଚୋରା ଚାଲାଣକାରୀ ଗାଡିଗୁଡିକୁ ଜବତ କରିପାରନ୍ତେ ବୋଲି ମତପ୍ରକାଶ ପାଉଛି।
Comments are closed.