ସମ୍ବଲପୁର : ସମ୍ବଲପୁର ଜିଲା ଯୁଯୋମୁରା ବ୍ଳକର ହାତିବାରୀ ଠାରେ ପୁଣି ବଣୁଆ ଦନ୍ତାହାତୀ ଉପଦ୍ରବ କରି ଲୋକଙ୍କ ଘର ଭାଙ୍ଗିଛି। ହାତିବାରୀ ଟେଙ୍ଗପଡା ଠାରେ ବଣୁଆ ହାତୀ ଉପଦ୍ରବ କରି ଲୋକଙ୍କ ଘର ଭାଙ୍ଗିବା ପରେ ପୁଣି ଥରେ ସାଧାରଣ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଛି ।
ସୂଚନା ଅନୁସାରେ ଗତକାଲି ରାତିରେ ବଣୁଆ ଦନ୍ତାହାତୀ ଉପଦ୍ରବ କରି ହାତିବାରୀ ଟେଙ୍ଗପଡାର ଅନ୍ତ ଭୋଇ, ମନୋଜ ଭୋଇ, ଶ୍ରୀହରି ନାଏକଙ୍କ ଘର ଭାଙ୍ଗିଥିବା ସହ କ୍ଷୟକ୍ଷତି କରିଛି। ତେବେ କ୍ଷତିଗ୍ରସ୍ତ ପରିବାର ସହ ସାଧାରଣ ଲୋକେ ଏହି ଅଞ୍ଚଳରେ ଜାରି ରହିଥିବା ବଣୁଆ ହାତୀ ଉପଦ୍ରବ ଘଟଣା ଅସନ୍ତୋଷ ଜାହିର କରିବା ସହ ବନବିଭାଗର ଅପାରଗତାକୁ ଦାୟି କରିଛନ୍ତି । ସ୍ଥାନୀୟ ଲୋକେ ହାତୀ ଉପଦ୍ରବ ପାଇଁ ଅଞ୍ଚଳରେ ପ୍ରତିଦିନ ଧନଜୀବନ କ୍ଷୟକ୍ଷତି ହେଉଥିବା ବେଳେ ସମସ୍ୟାର ସ୍ଥାୟୀ ସମାଧାନ ସହ କ୍ଷତିପୂରଣ ପ୍ରଦାନ ଶୀଘ୍ର ଦେବାକୁ ବନବିଭାଗ ଆବଶ୍ୟକୀୟ ପଦକ୍ଷେପ ନେବାକୁ ଦାବି କରିଛନ୍ତି।
Comments are closed.