ସମ୍ବଲପୁର: ସମ୍ବଲପୁରରେ ନିଶା କାରବାର ବେଶ ଜୋରସୋରରେ ଚାଲିଥିବା ବେଳେ ଏହା ଉପରେ ଅଙ୍କୁଶ ଲଗାଇବାକୁ ସରକାରୀ ଏଜେନ୍ସି ମାନଙ୍କର ଉଦ୍ୟମ ସଫଳ ହୋଇ ପାରୁ ନାହିଁ। ନିଶା ଉପରେ ଅଙ୍କୁଶ ଲଗାଇବା ପାଇଁ ଚଢ଼ଉ ଅଭିଯାନ କ୍ରମରେ ଅବକାରୀ ବିଭାଗର ଅଧିକ୍ଷକ ଅଶୋକ ସେଟଙ୍କ ନିର୍ଦ୍ଦେଶରେ ସଦର କାର୍ଯ୍ୟାଳୟର ଅଧିକାରିଣୀ ଅନ୍ନପୁର୍ଣ୍ଣା ରଥଙ୍କ ନେତୃତ୍ୱରେ ଏକ ଦଳ ପକ୍ଷରୁ ସୁନାପାଲି ଅଞ୍ଚଳରେ ଚଢ଼ାଉ କରି ୧୨ ଗ୍ରାମ ବ୍ରାଉନ ସୁଗାର (ଧଳା ଜହର) ଜବତ କରାଯାଇଛି। ଏହି ମାମଲାରେ ସୁନାପାଲି ନିବାସୀ ୨୭ ବର୍ଷିୟ ମହମ୍ମଦ ସରଫରାଜ ନାମକ ଜଣେ ଯୁବକଙ୍କୁ ପୁଲିସ ଗିରଫ କରିଛି। ଜବତ ହୋଇଥିବା ଧଳା ଜହରର ଆନୁମାନିକ ମୂଲ୍ୟ ୧ ଲକ୍ଷ ୨୦ ହଜାର ଟଙ୍କା ହେବ। ଏ ନେଇ ଏକ ମାମଲା ରୁଜୁ କରି ପୁଲିସ ଅଭିଯୁକ୍ତଙ୍କୁ ଗିରଫ କରି ଅଦାଲତକୁ ସୋମବାର ଚାଲାଣ କରିଛି।
Comments are closed.