ସମ୍ବଲପୁର : ସମ୍ବଲପୁର ଠାରେ ଥିବା ଗୁଇନ୍ଦା ଅବକାରୀ ବିଭାଗ ତରଫରୁ ନିଶା କାରବାରରେ ଅଙ୍କୁଶ ଲଗାଇବା ପାଇଁ ନିରନ୍ତର ପ୍ରୟାସ ଜାରି ରହିଥିବା ବେଳେ ଅନେକ ସମୟରେ ଗଞ୍ଜେଇ ଜବତ କରାଯାଉଛି। ଏହି କ୍ରମରେ ରବିବାର ଅଚାନକ ବିଜୁ ଏକ୍ସପ୍ରେସ ୱେର ଶାସନ ଟୋଲ ଗେଟ ନିକଟରେ ଚେକିଂ କରାଯାଇଥିଲା। ଉକ୍ତ ଚେକିଂ ସମୟରେ ସନ୍ଦିଗ୍ଧ ଭାବରେ ଯାଉଥିବା ଏକ ଦାମୀ କାରକୁ ଅଟକାଇ ଅବକାରୀ ବିଭାଗର ଗୁଇନ୍ଦା ଦଳ ଚେକିଂ କରିଥିଲେ। ଚେକିଂ ସମୟରେ ଉକ୍ତ ଗାଡିରେ ଲୁକ୍କାୟିତ ଭାବରେ ରଖାଯାଇଥିବା ୨ଟି ବସ୍ତାରୁ ସମୁଦାୟ ୪୨ କିଗ୍ରା ଗଞ୍ଜେଇ ଜବତ କରାଯାଇଥିଲା। ଗାଡିରେ ବେଆଇନ ଭାବରେ ଗଞ୍ଜେଇ ଚାଲାଣକାରୀ ଝାଡଖଣ୍ଡ ରାଜ୍ୟର ରାଞ୍ଚି ନିବାସୀ ଅମନ ପାଠକ (୨୬) ଓ ରାଞ୍ଚି ଜିଲାର ତଟସିଲୱାନୀର ନିବାସୀ କୁନ୍ଦନ ଶର୍ମା (୨୯)ଙ୍କୁ ଧରିଥିଲା। ଅଭିଯୁକ୍ତ ମାନେ ଏହି ଗଞ୍ଜେଇକୁ ବେଆଇନ ଭାବରେ ବୌଦ୍ଧ ଜିଲାରୁ ଝାଡଖଣ୍ଡର ରାଞ୍ଚିକୁ ଚାଲାଣ କରୁଥିବା ଅବକାରୀ ଦଳ ଜେରା ସମୟରେ କହିଛନ୍ତି। ଏ ନେଇ ଏକ ମାମଲା ରୁଜୁ କରି ଅବକାରୀ ବିଭାଗ ଗଞ୍ଜେଇ ଗୁଡିକୁ ଜବତ କରିବା ସହିତ ଅଭିଯୁକ୍ତ ମାନଙ୍କୁ ଗିରଫ କରି ଅଦାଲତକୁ ଚାଲାଣ କରିଛି। ଜବତ ହୋଇଥିବା ଗଞ୍ଜେଇ ଓ ଗାଡିର ଆନୁମାନିକ ମୂଲ୍ୟ ୯ ଲକ୍ଷ ଟଙ୍କାରୁ ଅଧିକ ହେବ ବୋଲି ଅବକାରୀ ବିଭାଗ ପକ୍ଷରୁ ସୂଚନା ଦିଆଯାଇଛି। ଏହି ଚଢ଼ଉ ଅଭିଯାନରେ ଉପ ଆରକ୍ଷୀ ଅଧିକ୍ଷକ ବିପ୍ର ଚରଣ ମଣ୍ଡଳଙ୍କ ନେତୃତ୍ୱରେ ବନମାଳୀ ରଣା, ଅଲେଖ ପ୍ରଧାନ ଓ ଅନ୍ୟ କର୍ମଚାରୀ ମାନେ ସାମିଲ ରହିଥିଲେ।
Popular Categories
Previous article
Next article