ସମ୍ବଲପୁର: ପୂର୍ବତଟ ରେଳବାଇ ଅର୍ନ୍ତଗତ ସମ୍ବଲପୁର ରେଳ ମଣ୍ଡଳର ନୂତନ ପ୍ରବନ୍ଧକ ରୂପେ ବରିଷ୍ଠ ରେଳ ଅଧିକାରୀ ବିନୀତ ସିଂ କାର୍ଯ୍ୟଭାର ଗ୍ରହଣ କରିଛନ୍ତି । ମଙ୍ଗଳବାର ସ୍ଥାନୀୟ ସମ୍ବଲପୁର ସ୍ଥିତ ମଣ୍ଡଳ ପ୍ରବନ୍ଧକଙ୍କ କାର୍ଯ୍ୟାଳୟ ଠାରେ ପୂର୍ବତନ ପ୍ରବନ୍ଧକ ପ୍ରଦୀପ କୁମାରଙ୍କ ଠାରୁ ଶ୍ରୀ ସିଂ ଦାୟିତ୍ୱ ଗ୍ରହଣ କରିଛନ୍ତି । ନୂତନ ମଣ୍ଡଳ ପ୍ରବନ୍ଧକ ଶ୍ରୀ ସିଂ ୧୯୯୦ ବ୍ୟାଚର ଭାରତୀୟ ସେବା (ମେକାନିକାଲ) ଅଧିକାରୀ ଅଟନ୍ତି । ସେ ଫେବ୍ରୁଆରୀ ୧୯୯୨ରୁ ଭାରତୀୟ ରେଳ ସେବାରେ ନିଯୁକ୍ତ ହୋଇ କାର୍ଯ୍ୟରତ ରହିଛନ୍ତି । ଶ୍ରୀ ସିଂ ଭାରତୀୟ ରେଳବାଇର ବିଭିନ୍ନ ପଦବୀ ଯଥା ନିର୍ଦ୍ଦେଶକ, ବରିଷ୍ଠ ଯାନ୍ତ୍ରିକ ଯନ୍ତ୍ରୀ, ଜିଜିଏମ, ଆଇଆରସିଟିସି ଆଦି ଗୁରୁତ୍ୱପୁର୍ଣ୍ଣ ପଦବୀରେ କାର୍ଯ୍ୟ କରିଛନ୍ତି । ସମ୍ବଲପୁର ମଣ୍ଡଳ ପ୍ରବନ୍ଧକ ରୂପେ ନିଯୁକ୍ତ ହେବା ପୂର୍ବରୁ ସେ ନୁଆଦିଲ୍ଲୀ ସ୍ଥିତ ରେଳଟେଲ କର୍ପୋରେସନ ଅଫ ଇଣ୍ଡିଆ ଲିମିଟେଡରେ କାର୍ଯ୍ୟ ନିର୍ବାହୀ ନିର୍ଦ୍ଦେଶକ ରୂପେ ଅବସ୍ଥାପିତ ରହିଥିଲେ ବୋଲି ରେଳବାଇ ପକ୍ଷରୁ ସୂଚନା ଦିଆଯାଇଛି ।
Popular Categories
Previous article
Next article