ସମ୍ବଲପୁର: ଦକ୍ଷିଣ ପୂର୍ବ ରେଳବାଇ ସାର୍କିଲର ନିରାପତ୍ତା ଆୟୁକ୍ତ ଶ୍ରୀ ଏ.ଏମ. ଚୌଧୁରୀ ଦୁଇ ଦିନ ଧରି ସମ୍ବଲପୁର ରେଳ ମଣ୍ଡଳ ଅର୍ନ୍ତଗତ ବିଭିନ୍ନ ରେଳବାଇ ଆଧୁନିକୀକରଣ କାର୍ଯ୍ୟର ନିରୀକ୍ଷଣ କରିଛନ୍ତି । ଏହି କ୍ରମରେ ନିରାପତ୍ତା ଆୟୁକ୍ତ ଶ୍ରୀ ଚୌଧୁରୀ ସମ୍ବଲପୁର ମଣ୍ଡଳ ଅଧିନସ୍ଥ ସିକରି – ଟିଟିଲାଗଡ ଦୋହରୀକରଣ ଓ ବିଦ୍ୟୁତିକରଣ ତଥା ଟିଟିଲାଗଡ – କେସିଙ୍ଗା ତୃତୀୟ ରେଳ ଧାରଣା ଓ ବିଦ୍ୟୁତିକରଣ କାର୍ଯ୍ୟ ନିରୀକ୍ଷଣ କରିଛନ୍ତି । ନିରୀକ୍ଷଣ ସମୟରେ ନିରାପତ୍ତା ଭିତ୍ତିକ କାର୍ଯ୍ୟ ଯଥା ଓଭର ହେଡ ଉପକରଣ ପୋଲ, ମାନବଯୁକ୍ତ ରେଳବାଇ ଫାଟକ, ସଙ୍କେତ ଓ ଦୂର ସଞ୍ଚାର ଉପକରଣ, ରେଳ ଧାରଣା ଆଦି ନିରୀକ୍ଷଣ କରିବା ସହିତ ସ୍ପିଡ ଟ୍ରାଏଲ ମଧ୍ୟ କରିଥିଲେ । ମଣ୍ଡଳର ସିକିରରୁ ଟିଟିଲାଗଡ ଦୋହରୀକରଣ ଓ ବିଦ୍ୟୁତିକରଣ ଏବଂ ଟିଟିଲାଗଡ – କେସିଙ୍ଗା ତୃତୀୟ ରେଳ ଧାରଣା ଓ ବିଦ୍ୟୁତିକରଣ କାର୍ଯ୍ୟ ପରେ ରେଳ ଚଳାଚଳ ଓ ପରିଚାଳନା ସୁଗମ ହୋଇ ପାରିବ । ନିରୀକ୍ଷଣ ସମୟରେ ସମ୍ବଲପୁର ମଣ୍ଡଳ ପ୍ରବନ୍ଧକ ପ୍ରଦୀପ କୁମାର, ପୂର୍ବତଟ ରେଳବାଇ ମୁଖ୍ୟ ପ୍ରଶାସନିକ ଅଧିକାରୀ (ନିର୍ମାଣ) ଅମର ପ୍ରକାଶ ଦ୍ୱିବେଦୀ, ପୂର୍ବତଟ ରେଳବାଇ ମୁଖ୍ୟାଳୟ ଓ ସମ୍ବଲପୁର ରେଳ ମଣ୍ଡଳର ବରିଷ୍ଠ ଅଧିକାରୀ ମାନେ ନିରୀକ୍ଷଣ ସମୟରେ ଉପସ୍ଥିତ ରହିଥିଲେ ।
Comments are closed.