ସମ୍ବଲପୁର: ପୂର୍ବତନ ଉପ ନଗରପାଳ ତଥା ସମାଜସେବୀ ଯୁବ ନେତା ସିଦ୍ଧାର୍ଥ ସାହା (ସିଦ୍ଧୁ) ନିରନ୍ତର ମାନବୀୟ ସେବା କାର୍ଯ୍ୟ ଜାରି ରଖିଛନ୍ତି । ଏହି କ୍ରମରେ କ୍ଷେତରାଜପୁର ନିବାସୀ ତାପସ କୁମାର ଶର୍ମାଙ୍କ ଲିଭର ରୋଗର ଚିକିତ୍ସା ପାଇଁ ପାଇଁ ସହାୟତା କରିଛନ୍ତି । ଅର୍ଥାଭାବ କାରଣରୁ ଚିକିତ୍ସା କରାଇବାରେ ତାପସଙ୍କୁ ଅସୁବିଧା ହେଉଥିଲା । ଏହା ଜାଣିବା ପରେ ସିଦ୍ଧାର୍ଥ ୧୦ ହଜାର ଟଙ୍କାର ସହାୟତା ପ୍ରଦାନ କରିଛନ୍ତି ।
ତାପସଙ୍କ ପତ୍ନୀ ଓ ଦୁଇ ଛୋଟ ଝିଅ ରହିଛନ୍ତି । ତାଙ୍କର ପତ୍ନୀ ଲିଭର ଟ୍ରାନ୍ସପ୍ଲାଣ୍ଟ ପାଇଁ ଲିଭର ଦାନ ଦେଉଛନ୍ତି । ଏବେ ଏହି ବ୍ୟୟବହୁଳ ଚିକିତ୍ସା ମୁମ୍ବାଇ ସହରରେ ହେଉଥିବା ବେଳେ ବୁଧବାର ସ୍ଥାନୀୟ ନୟାପଡା ସ୍ଥିତ ନିଜସ୍ୱ କାର୍ଯ୍ୟାଳୟରେ ଏହି ସହାୟତା ରାଶି ସିଦ୍ଧାର୍ଥ ପୀଡିତଙ୍କ ସର୍ମ୍ପକୀୟଙ୍କୁ ପ୍ରଦାନ କରିଛନ୍ତି । ଆଗାମୀ ଦିନରେ ଯଥାସମ୍ଭବ ସହାୟତା ପ୍ରଦାନ କରିବେ ବୋଲି ମଧ୍ୟ ଯୁବନେତା ତାପସଙ୍କ ପରିବାରକୁ ପ୍ରତିଶ୍ରୁତି ଦେଇଛନ୍ତି ।
ସୂଚନାଯୋଗ୍ୟ ଯେ, ପୂର୍ବରୁ କର୍କଟ ରୋଗୀଙ୍କ ସମେତ ଅନ୍ୟାନ୍ୟ ରୋଗୀ ମାନଙ୍କର ଚିକିତ୍ସା ନିମନ୍ତେ ସିଦ୍ଧାର୍ଥ ସହାୟତା କରି ଆସୁଛନ୍ତି । ବିଭିନ୍ନ ସେବା କାର୍ଯ୍ୟ ଜାରି ରଖିଥିବା ସିଦ୍ଧୁ କରୋନା ସମୟରେ ୧୧ ଟଙ୍କାରେ ଆମ୍ବୁଲାନ୍ସ ସେବା, ମାଗଣାରେ ଅମ୍ଲଜାନ ଯୋଗାଣ, ଗରିବ ମାନଙ୍କୁ ଚିକିତ୍ସା ସେବା, ତାଲା ବନ୍ଦ ସମୟରେ ଖାଦ୍ୟ ବଣ୍ଟନ ଆଦି ମାନବୀୟ ସେବା ଜାରି ରଖିଛନ୍ତି ।
