ସମ୍ବଲପୁର: ସମ୍ବଲପୁରର ଧନକଉଡା ବ୍ଲକ ଅଧିନସ୍ଥ ବ୍ରଜ ମୋହନ ପଟ୍ଟନାୟକ ଆଞ୍ଚଳିକ ସାଧନ କେନ୍ଦ୍ର ପକ୍ଷରୁ ସ୍ଥାନୀୟ ପଟ୍ଟନାୟକପଡା ଠାରେ ଏକ କ୍ଲଷ୍ଟର ସ୍ତରୀୟ ଟିଏଲଏମ କର୍ମଶାଳା ଆୟୋଜିତ ହୋଇଛି। ପଟ୍ଟନାୟକପଡା ସ୍ଥିତ ବ୍ରଜ ମୋହନ ପଟ୍ଟନାୟକ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ସିଆରସିସି ସୁଶାନ୍ତ କୁମାର ଭୋଇଙ୍କ ସଂଯୋଜନାରେ ଆୟୋଜିତ ଏହି କର୍ମଶାଳାରେ କ୍ଲଷ୍ଟର ଅଧିନସ୍ଥ ୬ଟି ବିଦ୍ୟାଳୟର ୨୨ ଜଣ ଶିକ୍ଷକ ଓ ଶିକ୍ଷୟତ୍ରୀ ଯୋଗ ଦେଇଥିଲେ। ଧନକଉଡା ବ୍ଲକ ଏବିଇଓ ତଥା ବିଆରସିସି ରମେଶ ଚନ୍ଦ୍ର ମିଶ୍ର ମୁଖ୍ୟ ଅତିଥି ରୂପେ ଯୋଗ ଦେଇ ଦୀପ ପ୍ରଜ୍ୱଳନ କରି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। କର୍ମଶାଳାରେ ବିଦ୍ୟାଳୟ ଗୁଡିକରେ ଉତ୍ତମ ଶିକ୍ଷାଦାନ, ସୁବିଧା ଅସୁବିଧା, କୋଭିଡ ପରେ ବିଦ୍ୟାଳୟରେ ଛାତ୍ରଛାତ୍ରୀଙ୍କୁ ସୁରକ୍ଷିତ ଶିକ୍ଷାଦାନ ଆଦି ବିଭିନ୍ନ ବିଷୟରେ ବିସ୍ତୃତ ଆଲୋଚନା କରାଯାଇଥିଲା। ବି.ଏମ.ପଟ୍ଟନାୟକ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷକ ପବିତ୍ର କୁମାର ସ୍ୱାଇଁ ଓ ସମସ୍ତ ଶିକ୍ଷକ ଶିକ୍ଷୟତ୍ରୀ ମାନେ କାର୍ଯ୍ୟକ୍ରମକୁ ଆୟୋଜନ ଓ ପରିଚାଳନାରେ ସକ୍ରିୟ ସହାୟତା କରିଥିଲେ। ବରିଷ୍ଠ ଶିକ୍ଷୟତ୍ରୀ ପୁଷ୍ପାଞ୍ଜଳି ମହାପାତ୍ର କାର୍ଯ୍ୟକ୍ରମକୁ ପରିଚାଳନା କରିଥିଲେ।
Popular Categories
Previous article
Next article