ସମ୍ବଲପୁର: ମହାନଗର ନିଗମ ଅର୍ନ୍ତଗତ ୩୧ ନଂ ୱାର୍ଡ ଅଧିନସ୍ଥ କୁମ୍ଭାରପଡା ଠାରେ ଲାଗି ରହିଥିବା ଜଳ ସମସ୍ୟାକୁ ଦୂର କରିବା ପାଇଁ ଜିଲା ପ୍ରଶାସନ ନିକଟରେ ଦାବି ହୋଇଛି। ପ୍ରଶାସନକୁ ପ୍ରଦତ୍ତ ଦାବିପତ୍ର ଅନୁଯାୟୀ, ବିଗତ ୨ ମାସ ହେବ ଅଞ୍ଚଳରେ ପାନୀୟ ଜଳ ଯୋଗାଣ ବନ୍ଦ ରହିଛି। ଯଦି କୌଣସି ସମୟରେ ଜଳ ଯୋଗାଣ ହେଉଛି, ତାହା ହେଲେ ତାହା ଆବଶ୍ୟକତାରୁ ବହୁତ କମ ରହୁଛି। ଏ ନେଇ ବାରମ୍ବାର କତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ ସତ୍ୱେ ଏ ପର୍ଯ୍ୟନ୍ତ କୌଣସି ସୁବିଧା କରାଯାଇ ନାହିଁ।
ଦିନକୁ ଦିନ ରୌଦ୍ରତାପ ବୃଦ୍ଧି ପାଉଥିବା ବେଳେ ଏବେ ପାନୀୟ ଜଳ ମୁନ୍ଦିଏ ପାଇଁ ଡହଳ ବିକଳ ହେଉଛନ୍ତି। ଏଣୁ ତୁରନ୍ତ ଅଞ୍ଚଳରେ ପାନୀୟ ଜଳ ଯୋଗାଣର ସୁବ୍ୟବସ୍ଥା କରିବା ପାଇଁ ଅଞ୍ଚଳବାସୀ ଦାବି କରିଛନ୍ତି। ପ୍ରଦତ୍ତ ଦାବିପତ୍ରରେ ଯୁକ୍ତା ରଣା, ସୁବାସିନୀ ରଣା, ଆସମା ଖାତୁନ, ଦିନେଶ କ୍ଷେତି, ଜରିନା ଖାତୁନ, ସହଜାଦୀ ବାନୋ, ରମେଶ ଦାସ, ପଦ୍ମନାଭ ନାୟକ, ଲକ୍ଷ୍ମୀ ନାୟକ, ସରସ୍ୱତୀ ସାହୁ, ସୁରେଜା ସେଠଙ୍କ ସମେତ ଅଞ୍ଚଳବାସୀଙ୍କ ଦସ୍ତଖତ ରହିଛି।
