ସମ୍ବଲ : ଉତ୍ତରପ୍ରଦେଶର ସମ୍ବଲଠାରେ ସମାଜବାଦୀ ପାର୍ଟି ନେତା ଜଗଦୀଶ ମାଲି(୩୫)ଙ୍କୁ ଗୁଳିକରି ହତ୍ୟା କରାଯାଇଛି। ଏହି ଘଟଣାରେ ଜଗଦୀଶଙ୍କ ପତ୍ନୀଙ୍କୁ ଗିରଫ କରାଯାଇଛି। ପରକୀୟା ପ୍ରୀତିକୁ ନେଇ ଏହି ହତ୍ୟାକାଣ୍ଡ ଘଟିଥିବା ପୁଲସିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି। ଏଥିରେ ସମ୍ପୃକ୍ତ ଜଗଦୀଶଙ୍କ ପତ୍ନୀଙ୍କ ପ୍ରେମିକ ଦିଲୀପ ଫେରାର ହୋଇଯାଇଛନ୍ତି। ଶୁକ୍ରବାର ସନ୍ଧ୍ୟାରେ ଦିଲୀପଙ୍କ ସହିତ ଜଗଦୀଶଙ୍କର ଝଗଡ଼ା ହୋଇଥିଲା। ଏହି ସମୟରେ ଦିଲୀପ ଜଗଦୀଶଙ୍କ ଉପରକୁ ଗୁଳି ଚଳାଇଥିଲେ। ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଥିଲା। ଜଗଦୀଶ ଚନ୍ଦାଉସି ବ୍ଳକର ଅଧ୍ୟକ୍ଷ ପଦ ଦାବିଦାର ଥିଲେ।
