ସାକ୍ଷିଗୋପାଳ : ‘ସମାଜ’ ରିଲିଫ୍ କମିଟି ପକ୍ଷରୁ ସତ୍ୟବାଦୀ ବ୍ଲକ ଅନ୍ତର୍ଗତ ନରେନ୍ଦ୍ରପୁର ପଞ୍ଚାୟତର ଘାସି ଭବାନୀପୁର ଅଗ୍ନିକାଣ୍ଡ ବିପନ୍ନଙ୍କୁ ଶନିବାର ସହାୟତା ପ୍ରଦାନ କରାଯାଇଛି। ଲୋକସେବକ ମଣ୍ଡଳର ରାଷ୍ଟ୍ରୀୟ କୋଷାଧ୍ୟକ୍ଷ ତଥା ‘ସମାଜ’ର ମୁଦ୍ରାକର ଓ ପ୍ରକାଶକ ରାଜେନ୍ଦ୍ର କୁମାର ଜେନା ଅଗ୍ନି ବିପନ୍ନ ପରିବାର ସଦସ୍ୟଙ୍କୁ ସମବେଦନା ଜ୍ଞାପନ କରିଛନ୍ତି। ଅଗ୍ନି ବିପନ୍ନ କୃଷ୍ଣଚନ୍ଦ୍ର ପ୍ରଧାନ, ପୂର୍ଣ୍ଣଚନ୍ଦ୍ର ପ୍ରଧାନ, ସହଦେବ ପ୍ରଧାନ, ଭଗବାନ ପ୍ରଧାନ, ଈଶ୍ୱର ଜେନା, କୁମାରୀ ଜେନା, ରବୀନ୍ଦ୍ର ଜେନା, ବିଶ୍ୱନାଥ ଜେନା, ଜମ୍ବେଶ୍ୱର ଜେନା ଓ ଓକିଲ ଜେନା ପ୍ରମୁଖଙ୍କୁ ୨ହଜାର ଟଙ୍କା ଲେଖାଏଁ, କମ୍ବଳ ଓ ଶାଢ଼ି ପ୍ରଦାନ କରିଥିଲେ। ଏହି ଅବସରରେ ଗାଁ ବଞ୍ଚାଅ ଆନ୍ଦୋଳନର ରାଷ୍ଟ୍ରୀୟ ଅଧ୍ୟକ୍ଷ ତୁଳସୀରାମ ଜଗତ, ସତ୍ୟବାଦୀର ପୂର୍ବତନ ବିଧାୟକ ରମାରଞ୍ଜନ ବଳିଆରସିଂ, ସରପଞ୍ଚ ଗୌରାଙ୍ଗ ମଲ୍ଲିକ, ପୂର୍ବତନ ସମିତି ସଭ୍ୟ ପ୍ରଶାନ୍ତ କୁମାର ମହାପାତ୍ର, ଦେବାଶିଷ ରାୟ, ପ୍ରଶାନ୍ତ କୁମାର ଶତପଥୀ, ମନୋଜ କୁମାର ସାହୁ, କୃଷ୍ଣଚନ୍ଦ୍ର ସ୍ୱାଇଁ, ହୃଷୀକେଶ ଜେନା, କଂଗ୍ରେସ ଜେନା, ସୁଦର୍ଶନ ମହାପାତ୍ର ଓ ଚନ୍ଦ୍ରମଣି ଜେନାଙ୍କ ସମେତ ଗ୍ରାମବାସୀ ଉପସ୍ଥିତ ଥିଲେ।
Popular Categories
Previous article
Next article