ସାକ୍ଷୀଗୋପାଳ: ପୁରୀ ଜିଲ୍ଲା ଡେଲାଙ୍ଗ ବ୍ଲକ ଅନ୍ତର୍ଗତ ବେରବୋଇ ଗ୍ରାମର ଗାନ୍ଧୀ ସ୍ମୃତି ପୀଠ। ଏହି ଗ୍ରାମର ମୋହନ ମହାପାତ୍ର ବାର୍ଣ୍ଣିସ ରଙ୍ଗ ଲଗାଇ ଗାନ୍ଧୀ ବେଶରେ ପରିଭ୍ରମଣ କରନ୍ତି। ସେ ସିଲଭର ଗାନ୍ଧୀ ନାମରେ ପରିଚିତ। ସେ ସାକ୍ଷୀଗୋପାଳ ମନ୍ଦିର ସିଂହଦ୍ୱାର ସମ୍ମୁଖରୁ ରାଜଭବନ ଅଭିମୁଖେ ପଦଯାତ୍ରା ଆରମ୍ଭ କରିଛନ୍ତି। ଆଜି ପୂର୍ବାହ୍ନ ୯ଟା ସମୟରେ ସେ ରାଜଭବନ, ଭୁବନେଶ୍ୱର ଠାରେ ଭାରତର ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ସାକ୍ଷାତ କରିବେ। ଏଥି ନିମନ୍ତେ ରାଜଭବନ ତରଫରୁ ସମୟ ନିର୍ଦ୍ଧାରିତ ହୋଇଅଛି। ରାଷ୍ଟ୍ରପତିଙ୍କୁ ସାକ୍ଷାତ ଅବସରରେ ସେ ସାକ୍ଷୀଗୋପାଳ ମନ୍ଦିର ଓ ଐତିହାସିକ ବକୁଳ ବନର ଉନ୍ନୟନ ନିମନ୍ତେ ଅନୁରୋଧ କରିବେ ବୋଲି ପ୍ରକାଶ କରିଛନ୍ତି। ରାଷ୍ଟ୍ରପତିଙ୍କୁ ସାକ୍ଷାତ ଅବସରରେ ସେ ରାଷ୍ଟ୍ରପତିଙ୍କୁ ସାକ୍ଷୀଗୋପାଳଙ୍କ ବାନା ଓ ପ୍ରସାଦ ପ୍ରଦାନ କରିବେ ବୋଲି ଜଣାପଡିଛି।
Popular Categories
Previous article
Next article