ସାକ୍ଷୀଗୋପାଳ: ସତ୍ୟବାଦୀ ବ୍ଲକ ମହିଳା ଓ ଶିଶୁ ଵିକାଶ ପ୍ରକଳ୍ପ ପକ୍ଷରୁ ଶିଶୁ ପାଇଁ ଦିନଟିଏ ଏକ ସଚେତନତା କାର୍ଯ୍ୟକ୍ରମ ପଞ୍ଚାୟତ ସମିତି ସଭାଗୃହରେ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବେ ପଞ୍ଚାୟତ ସମିତି ଅଧ୍ୟକ୍ଷ ସୁନିଲ କୁମାର ପଣ୍ଡା ଯୋଗଦେଇ ଶିଶୁମାନଙ୍କର ମୌଳିକ ଅଧିକାର ଓ ସୁରକ୍ଷା ଉପରେ ଆଲୋଚନା କରିଥିଲେ। ସେହିପରି ବାଲ୍ୟ ବିବାହ, ଶିଶୁ ଶ୍ରମିକଙ୍କୁ ନିର୍ଯାତନା ଓ ସେମାନଙ୍କୁ କରାଯାଉଥିବା ଅବହେଳାର ଦୃଢ଼ ପ୍ରତିବାଦ କରିବା ଉପରେ ଗୁରୁତ୍ବ ଦେଇଥିଲେ। ବିଡିଓ କ୍ଷୀରୋଦ କୁମାର ବେହେରାଙ୍କ ଅଧ୍ୟକ୍ଷତାରେ ସତ୍ୟବାଦୀ ଥାନା ଆଇଆଇସି ଦୀଲ୍ଲିପ କୁମାର ଧଳ, ସମିତି ଉପାଧ୍ୟକ୍ଷା ନିବେଦିତା ପାତ୍ର ଓ ଭାରପ୍ରାପ୍ତ ବ୍ଲକ ଶିକ୍ଷା ଅଧିକାରୀ ଭବମ୍ ପ୍ରଧାନ ପ୍ରମୁଖ ଶିଶୁ ଅଧିକାରୀ ସୁରକ୍ଷା ନିମନ୍ତେ ଉଦିଷ୍ଟ ଆଇନଗତ ବ୍ୟବସ୍ଥା କଡାକଡି ପାଳନ ପାଇଁ ଆହ୍ବାନ ଦେଇଥିଲେ। କାର୍ଯ୍ୟକ୍ରମରେ ନବ ନିର୍ବାଚିତ ସରପଞ୍ଚ, ସମିତି ସଭ୍ୟ, ଅଙ୍ଗନବାଡି କର୍ମୀ, ସ୍ବୟଂ ସହାୟକ ମହିଳା ଯୋଗ ଦେଇଥିଲେ। ଏହି ଅବସରରେ ଛାତ୍ରୀଛାତ୍ର ମାନଙ୍କୁ ଶିଶୁ ଯତ୍ନ ଓ ଅଧିକାର ସୁରକ୍ଷା ପାଇଁ ଶପଥ ପାଠ କରାଇଥିଲେ। ସିଡିପିଓ ରାଜଲକ୍ଷ୍ମୀ ମହାନ୍ତି ସ୍ବାଗତ ଭାଷଣ ଦେବା ସହିତ ଶିଶୁମାନଙ୍କ ସେବା ନିମନ୍ତେ ରହିଥିବା ସରକାରୀ ବିଧି ବିଧାନ ସମ୍ପର୍କରେ ସୂଚନା ଦେଇଥିଲେ। ଶିଶୁ ବିକାଶ ପ୍ରକଳ୍ପର ସମସ୍ତ ସୁପରଭାଇଜର କାର୍ଯ୍ୟକ୍ରମରେ ସହଯୋଗ କରିଥିଲେ। ଅଙ୍ଗନବାଡି କର୍ମୀ ଶିଶୁ ସୁରକ୍ଷା ବାର୍ତ୍ତା ଉପରେ ରଚିତ ଏକ କବିତା ପାଠ କରିଥିଲେ।
Popular Categories
Previous article
Next article