ଲକ୍ଷ୍ନୌ : ଥିଲେ ରାଜ୍ୟପାଳ,ଏବେ କିନ୍ତୁ ମନ୍ତ୍ରୀ। ପୂର୍ବରୁ ଉତ୍ତରାଖଣ୍ଡର ରାଜ୍ୟପାଳ ଥିବା ବେବି ରାଣୀ ମୌର୍ଯ୍ୟ ଶୁକ୍ରବାର ଯୋଗୀ ସରକାରରେ ମନ୍ତ୍ରୀ ପଦ ଗ୍ରହଣ କରିଛନ୍ତି । ଉତ୍ତରାଖଣ୍ଡର ରାଜ୍ୟପାଳ ପଦରୁ ଇସ୍ତଫା ଦେବା ପରେ ସେ ବିଜେପିରେ ରାଷ୍ଟ୍ରୀୟ ଉପ ସଭାପତି ହୋଇଥିଲେ। ଏହା ପରେ ଚଳିତ ବିଧାନସଭା ନିର୍ବାଚନରେ ସେ ଆଗ୍ରା ଗ୍ରାମୀଣ ଆସନରୁ ନିର୍ବାଚିତ ହୋଇଥିଲେ । ପୂର୍ବରୁ ସେ ମଧ୍ୟ ଆଗ୍ରାର ମେୟର ଥିଲେ। ତାଙ୍କର ରାଜନୈତିକ ଯାତ୍ରା ବେଶ ରୋଚକ ଓ ଆକର୍ଷଣୀୟ ରହିଛି।
ବେବି ରାଣୀ ମୌର୍ଯ୍ୟଙ୍କ ବାପ ଘର ଆଗ୍ରା ବେଲନଙ୍ଗଞ୍ଜରେ ଏବଂ ଶାଶୁ ଘର କାରିଆପ୍ପା ରୋଡ୍ ବାଲୁଗଞ୍ଜରେ । ତାଙ୍କ ସ୍ୱାମୀ ପ୍ରଦୀପ କୁମାର ପଞ୍ଜାବ ନ୍ୟାସନାଲ ବ୍ୟାଙ୍କର ନିର୍ଦ୍ଦେଶକ ତଥା ବରିଷ୍ଠ ପରିଚାଳକ ଭାବେ ଅବସର ଗ୍ରହଣ କରିଛନ୍ତି ।
