ନୂଆଦିଲ୍ଲୀ : ଦିଲ୍ଲୀ ଶିଖ ବିରୋଧୀ ଦଙ୍ଗା ଅଭିଯୋଗରେ ଆଜୀବନ କାରାଦଣ୍ଡ କାଟୁଥିବା କଂଗ୍ରେସର ପୂର୍ବନେତା ସଜ୍ଜନ କୁମାରଙ୍କ ଜାମିନ ପିଟିସନ ଉପରେ ସୁପ୍ରିମକୋର୍ଟ ଶୁକ୍ରବାର ରାୟ ସଂରକ୍ଷିତ କରିଛନ୍ତି। ମାର୍ଚ୍ଚ ୨୫ ତାରିଖରେ ଏହାର ପରବର୍ତ୍ତି ଶୁଣାଣି କରାଯିବ। ସୂଚନାଯୋଗ୍ୟ ଯେ ଦିଲ୍ଲୀ ହାଇକୋର୍ଟ ଶିଖ ବିରୋଧୀ ଦଙ୍ଗା ମାମଲାରେ ସଜ୍ଜନ କୁମାରଙ୍କୁ ଆଜୀବନ କାରାଦଣ୍ଡ ଶୁଣାଇଥିଲେ।
ତତ୍କାଳୀନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ନିଜର ଦୁଇ ଶିଖ ଅଙ୍ଗରକ୍ଷୀଙ୍କ ଦ୍ୱାରା ହତ୍ୟାକୁ ନେଇ ସମଗ୍ର ଭାରତରେ ଏକ ହିଂସାର ମାହୋଲ ଖେଳିଯାଇଥିଲା। ଦକ୍ଷିଣ-ପଶ୍ଚିମ ଦିଲ୍ଲୀର ପାଲମ କଲୋନୀରେ ରାଜ ନଗର ପାର୍ଟ-୧ରେ ୧୯୮୪ରେ ୫ଜଣ ଶିଖଙ୍କୁ ହତ୍ୟା ଓ ରାଜନଗର ପାର୍ଟ-୨ରେ ଗୁରୁଦ୍ୱାରରେ ଅଗ୍ନିକାଣ୍ଡ ଘଟଣାରେ ସଜ୍ଜନ କୁମାରଙ୍କୁ ଗିରଫ କରାଯାଇଥିଲା। ଦିଲ୍ଲୀ ହାଇକୋର୍ଟ ଡିସେମ୍ବର ୧୭ ତାରିଖରେ ଆଜୀବନ କାରଦଣ୍ଡ ଶୁଣାଇଥିଲେ।
