ମୁମ୍ବଇ : ବାହୁବଳୀ ଷ୍ଟାର ପ୍ରଭାସଙ୍କ ଅଭିନୀତ ଚଳଚ୍ଚିତ୍ର ‘ସାହୋ’ ଶୁକ୍ରବାର(୩୦ ଅଗଷ୍ଟ) ମୁକ୍ତିଲାଭ କରିଛି। ଜବରଦସ୍ତ ଆକ୍ସନରେ ଭରପୁର ଏହି ଚଳଚ୍ଚିତ୍ରକୁ ନେଇ ଦେଶ ବିଦେଶରେ ଖୁବ୍ ଚର୍ଚ୍ଚା ଜାରି ରହିଛି। ସୁଜିତଙ୍କ ନିର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ର ଦର୍ଶକଙ୍କ ହୃଦୟ ଜିତୁଥିବା ଜଣାପଡ଼ିଛି। ସୂଚନା ଅନୁସାରେ, ଭାରତରେ ଆଜି ସର୍ବାଧିକ ୧୦ ହଜାର ପରଦାରେ ‘ସାହୋ’ ମୁକ୍ତିଲାଭ କରିଛି। ଏ କ୍ଷେତ୍ରରେ ‘ବାହୁବଳୀ-୨’ ଓ ରଜନୀକାନ୍ତଙ୍କ ‘୨.୦’ର ମଧ୍ୟ ରେକର୍ଡ ଭାଙ୍ଗିଛି ‘ସାହୋ’। ‘୨.୦’ ଓ ‘ବାହୁବଳୀ-୨’ ସାରା ବିଶ୍ୱରେ ଯଥାକ୍ରମେ ୧୦ ହଜାର ଓ ୯ ହଜାର ପରଦାରେ ମୁକ୍ତିଲାଭ କରିଥିଲା। ତେବେ ମୁକ୍ତିଲାଭର ପ୍ରଥମ ଦିନରେ ‘ସାହୋ’ ୭୫ କୋଟି ଟଙ୍କାର ରେକର୍ଡ଼ ଆୟ କରିବ ବୋଲି ନିର୍ମାତା ଓ ଚଳଚ୍ଚିତ୍ର ସମୀକ୍ଷକମାନେ ଆଶା ପୋଷଣ କରିଛନ୍ତି।
ସୂଚନାଯୋଗ୍ୟ, ପ୍ରଭାସ ଓ ଶ୍ରଦ୍ଧାଙ୍କ ବ୍ୟତୀତ ଏଥିରେ ନୀଲ ନିତିନ ମୁକେଶ, ଜ୍ୟାକି ଶ୍ରଫ୍, ଚଙ୍କୀ ପାଣ୍ଡେ ଓ ମହେଶ ମାଞ୍ଜରେକର ପ୍ରମୁଖ ଗୁରୁତ୍ବପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି।
ପରଦାକୁ ଆସିଲା ପ୍ରଭାସଙ୍କ ବହୁ ପ୍ରତିକ୍ଷୀତ ଚଳଚ୍ଚିତ୍ର ‘ସାହୋ’
Popular Categories
Previous article
Next article