ହରାରେ : ଆଫଗାନିସ୍ତାନର ରସିଦ୍ ଖାନ୍ ଦିନିକିଆରେ ଦ୍ରୁତତମ ୧୦୦ ୱିକେଟ୍ ହାସଲ କରିଛନ୍ତି। ଏଠାରେ ଖେଳାଯାଉଥିବା ଆଇସିସି ବିଶ୍ୱକପ୍ ଯୋଗ୍ୟତା ଅର୍ଜନ ପର୍ଯ୍ୟାୟର ଫାଇନାଲ ମ୍ୟାଚ୍ରେ ୱେଷ୍ଟଇଣ୍ଡିଜର ସାଇ ହୋପ୍ଙ୍କୁ ଆଉଟ୍ କରି ଏହି ସଫଳତା ହାସଲ କରିଥିଲେ। ରସିଦ ୪୪ଟି ଦିନିକିଆ ମ୍ୟାଚ୍ ଖେଳି ୧୦୦ଟି ୱିକେଟ୍ ହାସଲ କରିବାରେ ସକ୍ଷମ ହୋଇଥିଲେ। ପୂର୍ବରୁ ଏହି ରେକର୍ଡ ଅଷ୍ଟ୍ରେଲିଆର ମିଚେଲ୍ ଷ୍ଟାର୍କଙ୍କ ନାମରେ ଥିଲା। ଷ୍ଟାର୍କ ୫୨ଟି ମ୍ୟାଚ୍ ଖେଳି ୧୦୦ଟି ୱିକେଟ୍ ହାସଲ କରିଥିଲେ। ରସିଦ୍ ୨୬ଟି ଦିନିକିଆ ଖେଳି ୫୦ଟି ୱିକେଟ୍ ନେଇଥିବା ବେଳେ ବାକି ୫୦ଟି ୱିକେଟ୍ ୧୮ଟି ଦିନିକଆରୁ ନେଇଛନ୍ତି। ତାଙ୍କର ବୋଲିଂ ହାର୍ ୧୪.୧୨ ଥିବା ବେଳେ ଓଭର ପିଛା ୩.୯୪ ରନ୍ ବ୍ୟୟ କରିଛନ୍ତି।
ଆଫ୍ଗାନିସ୍ତାନ ଅନ୍ତର୍ଜାତୀୟ କ୍ରିକେଟ୍ରେ ଛୋଟ ଦଳ ହୋଇଥିବାରୁ ବଡ଼ ବଡ଼ ଦଳଙ୍କ ବିରୋଧରେ ଦିନିକିଆ ମ୍ୟାଚ୍ ଖେଳିବାର ଖୁବ୍ କମ୍ ସୁଯୋଗ ଦଳକୁ ମିଳିଛି। ରସିଦ୍ ଆୟର୍ଲାଣ୍ଡ ଓ ଜିମ୍ବାୱେ ପରି ଦଳ ବିରୋଧରେ ମାତ୍ରାଧିକ ୱିକେଟ୍ ହାସଲ କରିଛନ୍ତି। ଜିମ୍ବାୱେ ବିରୋଧରେ ସେ ୪୦ଟି ୱିକେଟ୍ ଅକ୍ତିଆର କରିଥିବା ବେଳେ ଆୟର୍ଲାଣ୍ଡ ବିରୋଧରେ ୩୦ରୁ ଅଧିକ ୱିକେଟ୍ ନେଇଛନ୍ତି। ଆଫଗାନିସ୍ତାନ ତରଫରୁ ୨୦୧୫ରେ ଜିମ୍ବାୱେ ବିରୋଧରେ ଦିନିକିଆ କ୍ୟାରିୟର ଆରମ୍ଭ କରିଥିବା ରସିଦ୍ ଅଢ଼େଇ ବର୍ଷ ମଧ୍ୟରେ ୧୦୦ ୱିକେଟ୍ ହାସଲ କରିଛନ୍ତି। ୱେଷ୍ଟଇଣ୍ଡିଜ ବିପକ୍ଷ ଗୋଟିଏ ମ୍ୟାଚ୍ରେ ସେ ୧୮ ରନ୍ ବିନିମୟରେ ୭ଟି ୱିକେଟ୍ ହାସଲ କରିଥିଲେ, ଯାହାକି ତାଙ୍କର ଶ୍ରେଷ୍ଠ ପ୍ରଦର୍ଶନ। ଟ୍ୱେଣ୍ଟି୨୦ କ୍ରିକେଟ୍ରେ ରସିଦ୍ଙ୍କ ପ୍ରଦର୍ଶନ ମଧ୍ୟ ବେଶ୍ ଉଚ୍ଚକୋଟିର। ୨୯ଟି ଟ୍ୱେଣ୍ଟି୨୦ ମ୍ୟାଚ୍ ଖେଳି ୪୭ଟି ୱିକେଟ୍ ହାସଲ କରିଛନ୍ତି।
ଦିନିକିଆରେ ଦ୍ରୁତତମ ୧୦୦ ୱିକେଟ୍ ହାସଲ କଲେ ରସିଦ୍
Popular Categories
Previous article
Next article