ସମାଜ ଡିଜିଟାଲ ଡେସ୍କ: ରୁଷ ଏବଂ ୟୁକ୍ରେନ ମଧ୍ୟରେ ୨ ବର୍ଷରୁ ଊର୍ଦ୍ଧ୍ବ ସମୟ ଧରି ଯୁଦ୍ଧ ଲାଗି ରହିଛି। ରୁଷ କେତେବେଳେ ୟୁକ୍ରେନ ଉପରେ ରକେଟ ମାଡ଼ କରୁଛି ତ ଆଉ କେତେବେଳେ ୟୁକ୍ରେନ ରୁଷର ସହର ଉପରେ ରକେଟ ବର୍ଷା କରୁଛି। ଏହା ଭିତରେ ଏକ ଭିଡିଓ ସାମାଜିକ ଗଣମାଧ୍ୟମରେ ପ୍ରଘଟ ହୋଇଛି। ଯେଉଁଥିରେ ରୁଷର ଏକ ସହରରେ ଶୁକ୍ରବାର ରାତିରେ ହୋଇଥିବା ରକେଟ୍ ମାଡ଼ର ଦୃଶ୍ୟ ସାମ୍ନାକୁ ଆସିଛି।
ଭିଡିଓରେ ଦେଖିବାକୁ ମିଳିଛି ଯେ, ରୁଷର ବେଲଗୋରୋଡ ସହର ରାସ୍ତାରେ ରାତ୍ରି ସମୟରେ ଯାନବାହନ ଚଳାଚଳ କରୁଛି। ଏହି ସମୟରେ ହଠାତ ଆକାଶରୁ ଖସୁଛି ମୃତ୍ୟୁ। ଅର୍ଥାତ ରାସ୍ତାରେ ଯାତାୟାତ କରୁଥିବା ଗାଡ଼ିମୋଟର ଉପରେ ହେଉଛି ରକେଟ ମାଡ଼। ଏହାର ଦୃଶ୍ୟକୁ ଜଣେ ବ୍ୟକ୍ତି ନିଜ କାରରେ ଥାଇ ରେକର୍ଡ କରିଛନ୍ତି। ଏହି ଘଟଣାରେ ୫ ଜଣଙ୍କର ମୃତ୍ୟୁ ଘଟିଥିବାବେଳେ ୬ ଶିଶୁଙ୍କ ସମେତ ମୋଟ ୩୭ ଜଣ ଆହତ ହୋଇଛନ୍ତି।
El momento en que el RM-70 “Vampire” MLRS, de fabricación checa, impacta en #Belgorod sobre un vehículo civil. 😡
Obviamente, el conductor fue asesinado.#Russia #Ukrainian @NATO #Iran #Paris2024 @JosepBorrellF #Biden #OTAN #GazaGenocide #Israel #ZelenskyWarCriminal pic.twitter.com/1q8rgmj95z
— 🇮🇷🇵🇸 Noureen_Shiraz 🇷🇺🇦🇲 (@NOUREEN_SHIRAZ) August 30, 2024
ରୁଷ ଦାବି କରିଛି ଯେ, ଏହା ୟୁକ୍ରେନର ଆରଏମ-୭୦ ଭାମ୍ପାୟାର ଏମଏଲଆରଏସର ରକେଟ। ଯେଉଁ ରକେଟ ଦ୍ଵାରା ଜନସାଧାରଣଙ୍କୁ ଟାର୍ଗେଟ କରାଯାଇଛି। ଅନ୍ୟପଟେ କୁହାଯାଉଛି ଯେ ରୁଷ ନିଜ ଲୋକଙ୍କ ଉପରେ ଭୁଲବଶତଃ ପନ୍ତଶିର ଏୟାର ଡିଫେନ୍ସ ସିଷ୍ଟମ ଦ୍ଵାରା କ୍ଷେପଣାସ୍ତ୍ର ମାଡ଼ କରିଛି। କିନ୍ତୁ ସତ କ’ଣ ତାହା ଏଯାଏ ସାମ୍ନାକୁ ଆସିନାହିଁ। କିନ୍ତୁ ସାମାଜିକ ଗଣମାଧ୍ୟମ ଏକ୍ସ’ରେ ଭିଡିଓ ପ୍ରଘଟ ହେଉଛି।
