ନୂଆଦିଲ୍ଲୀ : ପ୍ରଯୁକ୍ତିବିଦ୍ୟା ଦିନକୁ ଦିନ ଆଗକୁ ବଢୁଛି ଏବଂ ଏହା ଆମ ଦୈନନ୍ଦିନ ଜୀବନର ଏକ ଅଂଶ ପାଲଟିଯାଇଛି । ଏହା ଆମ କାମକୁ ସରଳ କରିବା ସହିତ ବେଳେବେଳେ ଆମକୁ ଚକିତ ମଧ୍ୟ କରିଥାଏ । ଏମିତି ଏକ ଭିଡିଓ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି । ଏଥିରେ ଅନେକ କୁକୁର ଏବଂ ଏକ ନକଲି ରୋବଟ କୁକୁର ନଜର ଆସୁଛି । ଅସଲି କୁକୁର ଏବଂ ନକଲି କୁକୁର ମଧ୍ୟରେ ଏକ ଛୋଟ ଧରଣର ଲଢେଇ ଏଥିରେ ଦେଖିବାକୁ ମିଳୁଛି ।
View this post on Instagram
ଭିଡିଓଟି ଇନଷ୍ଟାଗ୍ରାମରେ ଭାଇରାଲ ହେଉଛି । ଦୃଶ୍ୟଟି ଆଇଆଇଟି କାନପୁରର ବୋଲି ଜଣାପଡିଛି । ଭିଡିଓରେ ଅସଲି କୁକୁର ରୋବଟ କୁକୁରକୁ ଦେଖି ଭୁକୁଛନ୍ତି ଏବଂ ଭୟ ମଧ୍ୟ କରୁଛନ୍ତି । ଶେଷରେ ରୋବର୍ଡ କୁକୁରଟି ଓଲଟି ପଡୁଥିବା ଦେଖିବାକୁ ମିଳୁଛି । ଭିଡିଓଟି ୩ ଦିନ ପୂର୍ବରୁ ସେୟାର କରାଯାଇଥିଲା । ଏଥିରେ ପ୍ରାୟ ୩ ଲକ୍ଷ ଭ୍ୟୁଜ୍ ମିଳିବା ସହିତ ୧୦ ହଜାର ଲାଇକ୍ସ ମିଳିଛି । ଅନେକ ଲୋକ ଏଥିରେ ଭିନ୍ନ ଭିନ୍ନ ପ୍ରତିକ୍ରିୟା ମଧ୍ୟ ଦେଉଛନ୍ତି । କିଛି ଜଣ ଲେଖିଛନ୍ତି କି ଭବିଷ୍ୟତରେ ରାସ୍ତା ଘାଟରେ ରୋବର୍ଟ କୁକୁର ବୁଲିବେ ।
Comments are closed.