ଲକ୍ଷ୍ମୀପୁର : କୋଡିଙ୍ଗାମାଳିରେ ପ୍ରଭାବିତ ଆଦିବାସୀଙ୍କ ଆନ୍ଦୋଳନ ପଞ୍ଚମ ଦିନରେ ପହଞ୍ଚିଛି । ଗତ ପାଞ୍ଚଦିନ ଧରି କୋରାପୁଟ ଜିଲ୍ଲା ଲକ୍ଷ୍ମୀପୁର ବ୍ଲକ ଅନ୍ତର୍ଗତ କୋଡିଙ୍ଗାମାଳି ଖଣି ଖନନକୁ ପ୍ରଭାବିତ ପ୍ରାୟ ୨୨ ଖଣ୍ଡ ଗ୍ରାମର ଆଦିବାସୀ ମାନେ ବିରୋଧ କରି ପ୍ରବେଶ ପଥକୁ ଅବରୋଧ କରି ରଖିଛନ୍ତି। ଉଭୟ ବିପକ୍ଷବାଦୀ ଓ ସପକ୍ଷବାଦୀ ମୁହାଁମୁହିଁ ହେବା ଆଶଙ୍କା କରି ଫୋର୍ସ ମୂତୟନ କରାଯାଇଛି। ପ୍ରତିଦିନ ତହସିଲଦାର ଓ ପୁଲିସ ଆନ୍ଦୋଳନକାରୀଙ୍କୁ ବୁଝାସୁଝା କରୁଥିଲେ ମଧ୍ୟ ଗ୍ରାମବାସୀ ଜିଦରେ ଅଟଳ ରହିଛନ୍ତି । ଫଳରେ ବାଧ୍ୟ ହୋଇ ପୁଲିସ ୪୫ ଜଣଙ୍କ ନାମରେ ବିଭିନ୍ନ ଦଫାରେ ମାମଲା ରୁଜୁ କରିଛି । ବର୍ତ୍ତମାନ ସୁଦ୍ଧା ଧାରଣା ଜାରି ରହିଛି ।
ପ୍ରଭାବିତ ଗ୍ରାମବାସୀଙ୍କ ଜିଦ୍ ଯେ, ମିଛ ଗ୍ରାମସଭାକୁ ଆମେ ଗ୍ରହଣ କରିବୁନାହିଁ । ଏପରିକି ପୁଲିସ ପ୍ରଶାସନ ଅନ୍ୟ କିଛି ଉପାୟ ଅବଲମ୍ବନ କଲେ ଆମେ ସମୁହ ମାଳି ଉପରେ ଯାଇ ବିଷ ଖାଇ ଆତ୍ମହତ୍ୟା କରିବୁ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି।
