କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ସୁନାଖଣ୍ଡି ପଞ୍ଚାୟତର ବ୍ରାହ୍ମଣଗୁଡା ଗ୍ରାମଠାରୁ ତଳ ମୁସୁଡି ରାସ୍ତା ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନାରେ ରାସ୍ତା ନିର୍ମାଣ କାର୍ୟ୍ୟ କରି ପୋତି ଦେଲେ କେନାଲ । ଫଳରେ ଚାଷୀ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ ହୋଇଛି । ଗାଁ ଲୋକଙ୍କ ସୂଚନା ମୁତାବକ ବ୍ରାହ୍ମଣଗୁଡା ଗ୍ରାମ ନିକଟସ୍ଥ ରାସ୍ତା ପାର୍ଶ୍ଵରେ ବହୁ ପୁରୁଣା କେନାଲ ରହିଥିଲା । ଯାହା ଦ୍ୱାରା କୁଶବେଟି, ବ୍ରାହ୍ମଣଗୁଡା ଗ୍ରାମକୁ ତଳମୁସୁଡି ପାହାଡ ଉପରୁ ଝରଣା ପାଣି ବାହାରି ୧୦୦ ଏକର ଚାଷ ଜମିକୁ ପାଣି ପହଞ୍ଚି ପାରୁଥିଲା । ଯାହା ଫଳରେ ଚାଷୀମାନେ ଧାନ ଫସଲ କରି ନିଜ ପରିବାର ଭରଣ ପୋଷଣ କରୁଥିଲେ।
ହେଲେ ରାସ୍ତାକାମ ଆଳରେ ଏହି କେନାଲକୁ ଭାଙ୍ଗି ପୋତି ଦେଇଛନ୍ତି ଠିକାଦାର। ଗ୍ରାମବାସୀ ପଚାରିବାରୁ ମୁଁ ନୂତନ ଭାବେ ଆଉ ଗୋଟେ କେନାଲ କରିଦେବି କହି ଏବେ ରୋକ୍ ଠୋକ୍ ମନା ଠିକାଦାର କରୁଥିବା ଗ୍ରାମବାସୀ ମାନେ ଅଭିଯୋଗ କରିଛନ୍ତି। ତାହା ସହିତ ଉକ୍ତ ଗ୍ରାମରେ ପଞ୍ଚାୟତ ତରଫରୁ ହୋଇଥିବା ୧୮ପୁଟର ଭଲ ସିମେଣ୍ଟ ରାସ୍ତା ଭାଙ୍ଗିଦେଈ ବର୍ତ୍ତମାନ ୧୨ପୁଟ ରାସ୍ତା କରୁଥିବା ଗ୍ରାମବାସୀ ଅଭିଯୋଗ କରିଛନ୍ତି । ଯଦି ଆମ କେନାଲ ସହିତ ପୂର୍ବ ଭଳି ଥିବା ୧୮ପୁଟ ରାସ୍ତା ନ କରାଗଲେ ଆଗାମୀ ଦିନରେ ସମସ୍ତେ ମିଶି ରାଜ ରାସ୍ତା ଅବରୋଧ କରି ରାୟଗଡ଼ା ଜିଲ୍ଲାପାଳ ନିକଟକୁ ଯାଇ ଅଭିଯୋଗ କରିବୁ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି।
