ଫୁଲବାଣୀ : କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ଭୃଙ୍ଗୀଯୋଡି ଛକ ନିକଟରେ ମର୍ମନ୍ତୁଦ ଦୁର୍ଘଟଣା ଘଟିଛି। ବାଇକ୍ ଧକ୍କାରେ ଜଣେ ଯୁବକଙ୍କର ମୃତ୍ୟୁ ଘଟିଥିବାବେଳେ ଜଣେ ଗୁରୁତର ହୋଇଛନ୍ତି। ମୃତକ ଭୃଙ୍ଗିଯୋଡି ଗାଁର ଟୁକୁନା କହଁର ବୋଲି ଜଣାପଡିଛି। ବୁଧବାର ବିଳମ୍ବିତ ରାତିରେ ନିଜ ଗାଁ ପାଖ କେଳାପଡା ଗାଁରୁ ଦୋଳଯାତ୍ରା ଦେଖି ନିଜ ଗାଁ ଭୃଙ୍ଗିଯୋଡି ଗାଁକୁ ଆସି ନିଜ ଘରର କିଛିଦୁରରେ ଅର୍ଥାତ ମାସରୀପଡା ନୂଆପଦର ମୁଖ୍ୟରାସ୍ତାର ଭୃଙ୍ଗିଯୋଡି ଛକ ନିକଟରେ ରାସ୍ତାକଡ଼ରେ ଉଭୟ ବସିଥିବାବେଳେ ଦ୍ରୁତଗତିରେ ଆସି ଏକ ବାଇକ ଉଭୟଙ୍କୁ ଧକ୍କାଦେଇଥିଲା । ପରେ ପୁଲିସ ଖବର ପାଇ ଉଭୟଙ୍କୁ ଉଦ୍ଧାର କରି ଗୁରୁତର ଅବସ୍ଥାରେ ଫିରିଙ୍ଗିଆ ମେଡିକାଲରେ ଭର୍ତ୍ତି କରିଥିଲା। ହେଲେ ଚିକିତ୍ସାଧୀନ ଅବସ୍ଥାରେ ଟୁକୁନା କହଁରଙ୍କ ମୃତ୍ୟୁ ହୋଇଥିଲା। ସେପଟେ ଘଟଣା ସ୍ଥଳରୁ ଦୁର୍ଘଟଣା ଘଟଇଥିବା ବାଇକ ଫେରାର ହୋଇଯାଇଥିବା ବେଳେ ଏହି ଘଟଣାରେ ପୁଲିସ୍ ଏକ ମାମଲା ରୁଜ୍ଜୁ କରି ତଦନ୍ତ ଜାରି ରଖିଛି।
Comments are closed.