ନୂଆଦିଲ୍ଲୀ : ସାମାଜିକ ଗଣମାଧ୍ୟମରେ ଅନେକ ଭିଡିଓ ଭାଇରାଲ ହୋଇଥାଏ । ଏଥିରୁ କିଛି ଶିକ୍ଷଣୀୟ ଭିଡିଓ ହୋଇଥିବାବେଳେ କିଛି ଭିଡିଓ ହସର ଖୋରାକ ଯୋଗାଏ । ଏବେ ଏମିତି ଏକ ଭିଡିଓ ଭାଇରାଲ ହେଉଛି ଯାହାକୁ ଦେଖିଲେ ଆପଣ ହସି ହସି ଗଡିବେ । ଜଣେ ଯୁବକ ଅନେକ ବଲିଉଡ ତାରକାଙ୍କ ସ୍ବରରେ ଧାରାବାହିକ ଶକ୍ତିମାନର ଗୀତ ବୋଲୁଛନ୍ତି । ଏହା ଏବେ ଭାଇରାଲ ହେବାରେ ଲାଗିଛି । ସମସ୍ତେ ତାଙ୍କର ଏହି ଗୀତକୁ ପସନ୍ଦ କରୁଛନ୍ତି । ଦେଖନ୍ତୁ ଭିଡିଓ..
View this post on Instagram
୯୦ ଦଶକର ଦୂରଦର୍ଶନରେ ପ୍ରସାରିତ ହେଉଥିବା ଧାରାବାହିକ ଶକ୍ତିମାନ ଦର୍ଶକଙ୍କୁ ଖୁବ୍ ପସନ୍ଦ ଆସିଥିଲା । ସାମାଜିକ ଗଣମାଧ୍ୟମରେ ଏକ ଭାଇରାଲ ଭିଡିଓ ପୁଣି ସମସ୍ତଙ୍କୁ ଏହି ଧାରାବାହିକ କଥା ମନେ ପକାଇ ଦେଇଛି । ଭିଡିଓରେ ଜଣେ ଆରଜେ ଅନେକ ବଲିଉଡ ତାରକାଙ୍କ ସ୍ବରରେ ଶକ୍ତିମାନ ଗୀତ ବୋଲୁଛନ୍ତି ଏବଂ ସେ ଏଥିରେ ନିଜର କିଛି ମଜାଳିଆ ପରିବର୍ତ୍ତନ ମଧ୍ୟ ଆଣିଛନ୍ତି ।
ଭିଡିଓଟି ଇନଷ୍ଟାଗ୍ରାମରେ ଭାଇରାଲ ହେବାରେ ଲାଗିଛି । ପ୍ରାୟ ୬୨ ଲକ୍ଷରୁ ଅଧିକ ଲୋକ ଏହି ଭିଡିଓକୁ ଦେଖିସାରିଲେଣି ଏବଂ ୨ ଲକ୍ଷରୁ ଅଧିକ ଲୋକ ଏହାକୁ ପସନ୍ଦ କରିଛନ୍ତି । ସମସ୍ତେ ତାଙ୍କର ଏହି କଳାକୁ ବେଶ୍ ପ୍ରଶଂସା କରିଛନ୍ତି ।
