ଲକ୍ଷ୍ନୌ: ନାଗରିକତା ସଂଶୋଧନ ଆଇନକୁ ବିରୋଧ କରି ଉତ୍ତର ପ୍ରଦେଶରେ ଦଙ୍ଗା କରୁଥିବା ଲୋକମାନଙ୍କୁ ପୁଲିସ ଚିହ୍ନଟ କରିବା ପାଇଁ ଅଭିନବ ଉପାୟ ଅବଲମ୍ବନ କରୁଛି। ପୁଲିସ ପୋଷ୍ଟର ଏବଂ ଛକମାନଙ୍କରେ ବ୍ୟାନର ଲଗାଇ ହିଂସାକରୁଥିବା ଲୋକମାନଙ୍କୁ ଚିହ୍ନଟ କରୁଛି। ରବିବାର ଗାଜିଆବାଦ ଅଞ୍ଚଳରେ ୨୭ ଜଣ ଦଙ୍ଗାକାରୀଙ୍କୁ ଗିରଫ କରିଛି ପୁଲିସ। ଏହି ଦଙ୍ଗାକାରୀମାନଙ୍କୁ ଗିରଫ କରିବାପାଇଁ ପୁଲିସ ବିଳମ୍ବିତ ରାତି ପର୍ୟ୍ୟନ୍ତ ବିଭିନ୍ନ ଅଞ୍ଚଳରେ ତଲାସି କରୁଥିବା ଜଣାପଡିଛି।
ସୂଚନାଅନୁସାରେ ଗାଜିଆବାଦ ଜିଲାରେ ରବିବାର ପୁଲିସ ଗିରଫ କରିଥିବା ୨୭ ଜଣଙ୍କ ମଧ୍ୟରୁ ୨୩ ଜଣଙ୍କୁ ଜେଲ ପଠାଇଦେଇଛି।
#GhaziabadPolice | दिनाँक 20.12.19 को लोनी क्षेत्र में #CAAProtests के दौरान हुए उग्र प्रदर्शन/बवाल में चिन्हित उपद्रवियों/बवालियों की फ़ोटो साझा की जा रही है। कृपया इन उपद्रवियों/बवालियों की पहचान कर तुरंत पुलिस को सूचित करें।
CO लोनी- 9643322910
SHO लोनी- 9643322925@Uppolice https://t.co/zV9NL7BxET pic.twitter.com/5xXLCLb3v5— GHAZIABAD POLICE (@ghaziabadpolice) December 22, 2019
ଏନେଇ ଏସଏସପି ସୁଧୀର କୁମାର ସିଂହ କହିଛନ୍ତି ଯେ, ଲୋନୀ ବର୍ଡର ଏବଂ ଲୋନୀ ଥାନାର ସଂଯୁକ୍ତ ଟିମ୍ ଉପଦ୍ରବକାରୀଙ୍କୁ ଚିହ୍ନଟ କରି ଗିରଫ କରୁଛି। ଧରା ହୋଇଥିବା ସମସ୍ତ ବିଦ୍ରୋହୀ ଲୋନୀ ଅଞ୍ଚଳର। ତେବେ ବର୍ତ୍ତମାନ ସୁଦ୍ଧା ଲୋନୀରେ ୨୦ ଜଣଙ୍କୁ ଗିରଫ କରାଗଲାଣି। ସେହିପରି ଭାବରେ ମୁରାଦନଗର ପୁଲିସ ୩ ଜଣ ଅଭିଯୁକ୍ତଙ୍କୁ ଗିରଫ କରିଛି। ସମ୍ପୂର୍ଣ୍ଣ ଜିଲ୍ଲାରେ ଏଯାବତ୍ ପୁଲିସ ୯୨ ଜଣଙ୍କୁ ଗିରଫ କରିଛି। ପୁଲିସ କହିଛି ଯେଉଁସ୍ଥାନମାନଙ୍କରେ ଦଙ୍ଗାକାରୀ ମାନେ ଉପଦ୍ରବ କରି ଜନତାଙ୍କ ସମ୍ପତ୍ତି ନଷ୍ଟ କରୁଛନ୍ତି ସେ ସବୁସ୍ଥାନର ଭିଡିଓ କରାଯାଇଛି। ଭିଡିଓରୁ ଦଙ୍ଗାକାରୀଙ୍କୁ ଚିହ୍ନଟ କରାଯାଇ ପୋଷ୍ଟର ଲାଗାଯାଉଛି ଏବଂ ଦଙ୍ଗାକାରୀଙ୍କ ଚିହ୍ନଟ ପାଇଁ ସାଧାରଣ ଜନତାଙ୍କ ସହାୟତା ପାଇଁ ମଧ୍ୟ ପୁଲିସ ଅପିଲ କରିଛି।
Comments are closed.