ମୁମ୍ବଇ: ବଲିଉଡ଼ ଅଭିନେତା ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ସିବିଆଇ ଜୋରଦାର ତଦନ୍ତ କରୁଛି। ଶନିବାର ସିବିଆଇ ରିୟା ଚକ୍ରବର୍ତ୍ତୀ, ତାଙ୍କ ଭାଇ ସୌଭିକ, ସୁଶାନ୍ତଙ୍କ ସାଙ୍ଗ ସିଦ୍ଧାର୍ଥ ପିଠାନୀ ଓ ଷ୍ଟାଫ୍ମାନଙ୍କୁ ପଚରାଉଚରା କରିଛି। ଇତି ମଧ୍ୟରେ ସିଦ୍ଧାର୍ଥ ପିଠାନୀ ରିୟାଙ୍କ ବିଷୟରେ ଏକ ବଡ଼ ତଥ୍ୟ ଉନ୍ମୋଚନ କରିଛନ୍ତି। ଏକ ଘରୋଇ ଚ୍ୟାନେଲକୁ ସାକ୍ଷାତକାର ଦେବା ସମୟରେ ସିଦ୍ଧାର୍ଥ କହିଛନ୍ତି, ରିୟା ଚକ୍ରବର୍ତ୍ତୀ ସୁଶାନ୍ତଙ୍କ କାର୍ଡ଼ ବ୍ୟବହାର କରି ବହୁତ ସପିଂ କରୁଥିଲେ। ସୁଶାନ୍ତଙ୍କ ମ୍ୟାନେଜର ସାମୁଏଲ ମିରାଣ୍ଡା ତାଙ୍କୁ ଏ କଥା କହିଥିଲେ ବୋଲି ସିଦ୍ଧାର୍ଥ କହିଛନ୍ତି।
ସିଦ୍ଧାର୍ଥଙ୍କ କହିବାନୁସାରେ, ଚଳିତ ବର୍ଷ ଆରମ୍ଭ ସମୟରେ ସୁଶାନ୍ତ ମୋତେ ତାଙ୍କ ପାଖକୁ ଡାକିଲେ ଓ ରହିବାକୁ କହିଲେ। ସେତେବେଳେ ମୁଁ ତାଙ୍କୁ ରିୟାଙ୍କ ବିଷୟରେ ପଚାରିବାରୁ ସେ କାନ୍ଦିବାକୁ ଲାଗିଥିଲେ ଓ କହିଥିଲେ, ସମସ୍ତେ ମୋତେ ଛାଡ଼ି ଚାଲିଯାଉଛନ୍ତି। ମୁଁ ସେତେବେଳେ କହିଥିଲି କେହି ନଥିଲେ ବି ମୁଁ ତୁମ ସହ ଅଛି। ସେଦିନ ମୁଁ ସୁଶାନ୍ତଙ୍କ ମ୍ୟାଜେନରଙ୍କ ସହ କଥା ହେବା ବେଳେ ସେ କହିଥିଲେ ଯେ ରିୟା ସୁଶାନ୍ତଙ୍କ କାର୍ଡରେ ମନଇଚ୍ଛା ସପିଂ କରୁଛନ୍ତି।
ପୂର୍ବତନ ମ୍ୟାନେଜର ଦିଶା ସାଲିୟନ୍ଙ୍କ ମୃତ୍ୟୁକୁ ନେଇ ମଧ୍ୟ ସୁଶାନ୍ତ ଖୁବ୍ ଚିନ୍ତିତ ଥିଲେ। ପିଠାନୀ କହିଛନ୍ତି ଦିଶାଙ୍କ ମୃତ୍ୟୁ ପରେ ସୁଶାନ୍ତ ଚିନ୍ତାରେ ଥିଲେ। ତେଣୁ ସେ ତାଙ୍କୁ ନିଜ ପାଖରେ ଶୋଇବାକୁ ଓ ଦିଶାଙ୍କ ବିଷୟରେ ସବୁ ଅପ୍ଡେଟ୍ ଦେବାକୁ କହୁଥିଲେ।
