ରେଙ୍ଗାଲିକ୍ୟାମ୍ପ : ଅତାବିରା ଥାନା ଲାଦେରପାଲି ଛକ ନିକଟ ଜାତୀୟ ରାଜପଥ ୫୩ରେ ଜଣେ ବାଇକ ଚାଳକ ଦୁର୍ଘଟଣାର ସମ୍ମୁଖୀନ ହୋଇ ପ୍ରାଣ ହରାଇଛନ୍ତି।ସୂଚନାଯୋଗ୍ୟ ଯେ ଅତାବିରା ଏନଏସି ୱାର୍ଡ ନଂ ୭ ର ହରି ମହାରଣା(୫୯) ଗତକାଲି ଦିନ ୨ଟା ସମୟରେ ଏକ ବାଇକରେ ଲାଦେରପାଲି ଛକ ପଟରୁ ଅତାବିରା ଆଡକୁ ଆସୁଥିଲେ। ଏହି ସମୟରେ ଦୁର୍ଘଟଣାର ସମ୍ମୁଖୀନ ହୋଇ ଛିଟିକି ପଡ଼ିଥିଲେ। ଖବର ପାଇ ଅତାବିରା ପୁଲିସ, ପରିବାର ବର୍ଗ, ସମ୍ପର୍କୀୟ ଦୁର୍ଘଟଣା ସ୍ଥଳକୁ ପହଞ୍ଚି ଚିକିତ୍ସା ପାଇଁ ବୁର୍ଲା ଡାକ୍ତରଖାନାକୁ ନେଇଥିଲେ। ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ତାଙ୍କ ବିୟୋଗରେ ଅଞ୍ଚଳରେ ଶୋକର ଛାୟା ଖେଳିଯାଇଛି। ବରଗଡରେ ଶବ ବ୍ୟବଚ୍ଛେଦ ପରେ ସନ୍ଧ୍ୟାରେ ମୃତ ଶରୀର ପରିବାର ବର୍ଗଙ୍କୁ ହସ୍ତାନ୍ତର କରାଯାଇଛି। ତାଙ୍କର ଗୋଟିଏ ପୁଅ ଓ ଚାରି ଝିଅ । ଖବର ପାଇ ଅତାବିରାର କଂଶାରି ସମାଜ ,ବ୍ୟବସାୟୀ ସଂଘ ତାଙ୍କର ଅନ୍ତିମ ଦର୍ଶନ ପାଇଁ ପହଞ୍ଚିଥିଲେ।
Comments are closed.