ରେଙ୍ଗାଲିକ୍ୟାମ୍ପ : ୧୯୨୬ ମସିହାରେ ସ୍ଥାପନ ହୋଇଥିଲା ବରଗଡ଼ ଜିଲ୍ଲା ଅତାବିରା ବ୍ଲକ ଅନ୍ତର୍ଗତ ଟିଙ୍ଗିପାଲି ଉଚ୍ଚ ପ୍ରାଥମିକ ବିଦ୍ୟାଳୟ । ଯାହା ଆଜି ଜରାଜୀର୍ଣ୍ଣ ଅବସ୍ଥାରେ ପଡ଼ି ରହିଛି । ଭଙ୍ଗା ଦଦରା କାନ୍ଥ, ସିମେଣ୍ଟ ଫାଟି ଆଁ କଲାଣି । କାନ୍ଥ ଗୁଡିକ ନଷ୍ଟ ହେଇ ଚାଲିଛି। ଆଜବେଷ୍ଟସ ଭାଙ୍ଗି କୌଣସି ଅଘଟଣ ଘଟିବାକୁ ଯେମିତି ଅପେକ୍ଷା କରିଛି । ଏହି ବିଦ୍ୟାଳୟରେ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ରହିଥିବା ବେଳେ ୭୮ ଜଣ ଛାତ୍ର ଛାତ୍ରୀ ପାଠ ପଢୁଛନ୍ତି । ବିଦ୍ୟାଳୟ ସ୍ଥାପିତ ହେବା ସମୟରେ ନିର୍ମିତ ହୋଇଥିବା ଦୁଇଟି ଶ୍ରେଣୀ କୋଠରୀ ବର୍ତ୍ତମାନ ଭୂତ କୋଠୀ ସାଜିଛି। ଅନ୍ୟ ଏକ ଶ୍ରେଣୀ କୋଠରୀ ମଧ୍ୟ ପରିତ୍ୟକ୍ତ ଅବସ୍ଥାରେ ପଡ଼ିଛି।ଗୋଟିଏ କୋଠରୀ ମଧ୍ୟରେ ଦୁଇ / ତିନିଟି ଶ୍ରେଣୀର ପିଲା ବସି ପାଠ ପଢୁଛନ୍ତି। ବର୍ଷା କିମ୍ବା ଖରା ଦିନ କଥା ନ କହିଲେ ଭଲ। ଏସବୁକୁ ଖାତିର ନକରି ନିଇତି ଏଠାକୁ ପାଠ ପଢ଼ିବାକୁ ଆସୁଛନ୍ତି ପିଲାମାନେ। ଯେଉଁଠି ମଣିଷ ଛିଡ଼ା ହେବାକୁ ଭୟ ପାଇବ ସେଇଠି ଜୀବନକୁ ବାଜି ଲଗାଇ ଭବିଷ୍ୟତ ଗଢୁ଼ଛନ୍ତି । କେତେବେଳେ ଉଇ ମାଟି ପଡୁ଼ଛି ତ କେତେବେଳେ ଅନବରତ ଗଳୁଛି ପାଣି । ସରକାର ଏଥି ପ୍ରତି ଦୃଷ୍ଟି ଦେବାକୁ ସ୍ଥାନୀୟ ବାସିନ୍ଦା ଦାବି କରିଛନ୍ତି।
Comments are closed.