ରେଙ୍ଗାଲକ୍ୟାମ୍ପ: ଅତାବିରା ଦେଇ ଯାଇଥିବା ୫୩ ନଂ ଜାତୀୟ ରାଜପଥ କଡରେ ଅବସ୍ଥିତ ଗୋଷ୍ଠୀ ଶିକ୍ଷା କାର୍ଯ୍ୟାଳୟ ରେ ଗତ ୨୬ ତାରିଖ ରାତିରେ ଗୋଷ୍ଠୀ ଶିକ୍ଷା କାର୍ଯ୍ୟାଳୟର ଅଫିସ ଭିତରେ ଥିବା ଏକ ନୂଆ ୪୦ ଇଞ୍ଚର ଏଲଇଡିଟିଭି ଚୋରି ହୋଇଥିଲା। ଏ ନେଇ ଗୋଷ୍ଠୀ ଶିକ୍ଷା ଅଧିକାରୀ ମିଶ୍ରାଣୀ କୁମ୍ଭାର ଅତାବିରା ଥାନାରେ ଏକ ଲିଖିତ ଅଭିଯୋଗ କରିଥିଲେ। ଅଭିଯୋଗ ପରେ ଥାନା ଅଧିକାରୀ ସୁକୁମାର ତ୍ରିପାଠୀଙ୍କ ନିର୍ଦେଶକ୍ରମେ ଏକ ସ୍ବତନ୍ତ୍ର ଦଳ ଗଠନ କରାଯାଇ ସ୍ଥାନୀୟ ଅଞ୍ଚଳର ଚାରିଆଡ଼େ ଚୋରକୁ ଧରିବା ପାଇଁ ଜାଲ ବିଛାଇ ଯାଇଥିଲା।
ଫଳରେ ଚୋରମାନେ ପୁଲିସ ଜାଲରେ ପଡ଼ିଥିଲା। ପଚରା ଉଚୁରା କରାଯିବ ପରେ ଅତାବିରା ଇନ୍ଦୋର ଷ୍ଟାଡିୟମ୍ ଛାତ୍ ଉପରେ ଚୋର ମାନେ ତାକୁ ଲୁଚାଇ ରଖିଥିବା ପ୍ରକାଶ କରିଥିଲେ। ଟିଭିକୁ ଜବତ କରିବା ସହ ଉକ୍ତ ଚୋରମାନଙ୍କୁ ଗିରଫ କରି ତାଙ୍କ ବିରୁଦ୍ଧରେ କେସ ନଂ ୩୦୭ / ଧାରା ୪୫୭/୩୮୦/୩୪ କ୍ରମେ ଏକ କେସ ରୁଜୁ କରି ତାଙ୍କୁ କୋର୍ଟ ଚାଲାଣ କରିଛି। ଅଭିଯୁକ୍ତମାନେ ହେଲେ ଅତାବିରା ଏନଏସି ସ୍ଥିତ ୱାର୍ଡ ନଂ ୪ ର ତବରେଜ ଖାଁ ଓରଫ ଇଦୁ (୨୧) ଓ ଅତାବିରା ସହରା ପଡ଼ାର ସୁରଜ କଠାର (୨୧)। ଆଜି ଅତାବିରା ପୁଲିସ ଚୋରି ହୋଇଥିବା ଟିଭିର ସମସ୍ତ କାଗଜ ପତ୍ର ଯାଞ୍ଚ ପରେ ତଥା ଚିହ୍ନଟ କରାଯିବା ପରେ ଜବତ କରିଥିବା ଟିଭିକୁ ଗୋଷ୍ଠୀ ଶିକ୍ଷା ଅଧିକାରୀଙ୍କୁ ହସ୍ତାନ୍ତର କରିଛନ୍ତି।
Comments are closed.