ରେଙ୍ଗାଲିକ୍ୟାମ୍ପ – ବରଗଡ଼ ଜିଲ୍ଲା ଅତାବିରା ବ୍ଲକ ରେଙ୍ଗାଲିକ୍ୟାମ୍ପରେ ଏକ ବନ୍ଦ ଘରୁ ଜଣେ ମହିଳାଙ୍କ ଗଳିତ ଶବ ଉଦ୍ଧାର । ମହିଳା ଜଣକ ହେଉଛନ୍ତି ରେଙ୍ଗାଲିପାଲି ର ଉତ୍ତମ ପୋଢ଼ ଙ୍କ ସ୍ତ୍ରୀ ମାମି ପୋଢ଼। ମୃତକଙ୍କ ବୟସ ୪୦ ବର୍ଷ।ସେ ୧୯୯୯ ମସିହା ରେ ବିବାହ କରିଥିଲେ । ଗତ ୧୦ ବର୍ଷ ହେଲା ସ୍ଵାମୀଙ୍କ ସହ ରହୁ ନଥିଲେ ।
ପତ୍ନୀଙ୍କର ସମସ୍ତ ଭରଣ ପୋଷଣ ସ୍ୱାମୀ ଉତ୍ତମ ପୋଢ କରୁଥିଲେ । ତାଙ୍କର ଗୋଟିଏ ପୁଅ ଓ ଝିଅ ଅଛନ୍ତି। ଉତ୍ତମ ରେଙ୍ଗାଲିକ୍ୟାମ୍ପ ଛକ ନିକଟରେ କିଛି ଦିନ ପୂର୍ବେ ଏକ ଆଜବେଷ୍ଟସ ଘର ତିଆରି କରିଥିଲେ । ମୃତକ ମାମୀ କିଛି ଦିନ ହେଲା ଏଠାରେ ଏକୁଟିଆ ରହୁଥିଲେ । ତାଙ୍କ ସ୍ୱାମୀ ନିୟମିତ କଲ୍ କରୁଥିଲେ । ମାତ୍ର ୧୩ ତାରିଖରେ ସେ କଲ୍ ଉଠାଇ ନଥିଲେ । ଏହାର କିଛି ଦିନ ପରେ ସ୍ୱାମୀ ସେ ଘର ନିକଟକୁ ଯାଇଥିବା ବେଳେ ସେଠାରୁ ଦୁର୍ଗନ୍ଧ ବାହାରୁ ଥିଲା । ସେ ଥାନାରେ ଅଭିଯୋଗ କରିଥିଲେ। ପରେ ପୁଲିସ ସେଠାରେ ପହଞ୍ଚି ସାଇଣ୍ଟିଫିକ୍ ଦଳର ଉପସ୍ଥିତିରେ ତଦନ୍ତ କରିବା ସହ ଶବକୁ ଜବତ କରିଥିଲା। ସେ ବେକରେ ଲୁଗା ଦେଇ ଆତ୍ମହତ୍ୟା କରିଥିବା ଆଶଙ୍କା କରାଯାଉଛି । ତେବେ ପୁଲିସ ତଦନ୍ତ ପରେ ଘଟଣାର ସତ୍ୟସତ୍ୟ ଜଣା ପଡିବ ।
Comments are closed.