ରେଙ୍ଗାଲି: ସମ୍ବଲପୁର ଜିଲ୍ଲାର କତରବଗା ଥାନା ଅନ୍ତର୍ଗତ ରାତି ସର୍ଗିପାଲିଠାରୁ ପୁରୁଣା ରାଞ୍ଚିରୋଡ ରାସ୍ତାକୁ ସଂଯୋଗ କରୁଥିବା ପିଏମଜିୱାଇ ରାସ୍ତାରେ ଏକ ଟ୍ରାକ୍ଟର ଦୁର୍ଘଟଣାରେ ୨ ଜଣଙ୍କ ମୃତ୍ୟୁ ଘଟିଛି। ଏଥିସହ ୪ଜଣ ଗୁରୁତର ଭାବେ ଆହତ ହୋଇଛନ୍ତି। ରବିବାର ରାତିରେ ଧାନ ବୋଝେଇ ଟ୍ରାକ୍ଟର ଦୁର୍ଘଟଣା ହେବା ଫଳରେ ଏହି ଅଘଟଣ ଘଟିଥିବା ପୁଲିସ ଓ ସ୍ଥାନୀୟ ଲୋକଙ୍କ ସୂତ୍ରରୁ ପ୍ରକାଶ।
ଧାନ କିଆରିରୁ ଧାନ ଆଣିବା ପାଇଁ ଏକ ଟ୍ରାକ୍ଟର ଯୋଗେ ଡ୍ରାଇଭର ସମେତ ୬ଜଣ ଶ୍ରମିକ ମିଶି ଯାଉଥିବା ବେଳେ ସର୍ଗିପାଲି ଉପରକଟା ବୁଲାଣି ନିକଟରେ ଟ୍ରାକ୍ଟର ଭାରସାମ୍ୟ ହରାଇ ଓଲଟି ପଡ଼ିଥିଲା। ଫଳରେ ଅଜିତ କିସାନ ଓ ରାମପ୍ରସାଦ ଭଇଁଷାଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ଗୁରୁତର ୪ଜଣ ପ୍ରସାଦି ମିର୍ଦ୍ଧା, ସନୁ ମିର୍ଦ୍ଧା, ସୁଶାନ୍ତ ମିର୍ଦ୍ଧା, ଭାସ୍କର ମିର୍ଦ୍ଧା ବୁର୍ଲା ହସ୍ପିଟାଲରେ ଚିକିତ୍ସିତ ହେଉଛନ୍ତି। ଦୁର୍ଘଟଣାଗ୍ରସ୍ତ ଟ୍ରାକ୍ଟରକୁ ଜବତ କରାଯାଇ ଏ ସଂକ୍ରାନ୍ତରେ ଏକ ମାମଲା ରୁଜୁ କରାଯାଇ ତଦନ୍ତ ଜାରି ରହିଥିବା କତରବଗା ଆଇଆଇସି ଅନନ୍ତ ଚରଣ ସାହୁ ସୂଚନା ଦେଇଛନ୍ତି।
Comments are closed.