ରେଙ୍ଗାଲି: ସମ୍ବଲପୁର ଜିଲା ରେଙ୍ଗାଲି ବ୍ଳକ୍ ତବଡାବାହାଲ ଗ୍ରାମ ପଞ୍ଚାୟତର ପଣ୍ଡରୀପାଲି ଗ୍ରାମରେ ଆଜି ଜିଲାପାଳ ଅନନ୍ୟା ଦାସ ଏକ ହଜାର ଲିଟର କ୍ଷମତା ବିଶିଷ୍ଟ ଦୁଗ୍ଧ ଶୀତଳିକରଣ କେନ୍ଦ୍ର ଉଦଘାଟନ କରିଛନ୍ତି। ଦୁଗ୍ଧ ଶୀତଳୀକରଣ କେନ୍ଦ୍ର ସ୍ଥାପନ ଫଳରେ ଅଞ୍ଚଳର ଦୁଗ୍ଧ ଚାଷୀମାନଙ୍କ ଅନେକ ଦିନର ସ୍ୱପ୍ନ ସାକାର ହୋଇପାରିଛି। ପଣ୍ଡରିପାଲି, କୁଦାମୁଣ୍ଡା, ଟାମ୍ପରକେଲା, ଠୁରୁପାଲି, ଝାଙ୍କରପାଲି, କୁସୁମଡିହି, ପଣ୍ଡିଆପାଲି, ଲାଉମାଲ, ରୁନିମହୁଲ ଆଦି ୯ଟି ଗ୍ରାମରେ ଗୋଟିଏ ଲେଖାଏଁ ପ୍ରାଥମିକ ଦୁଗ୍ଧ ସମିତି ଗଠନ କରାଯାଇ ଆଜି ପ୍ରଥମ ଦିନରେ ୧୫୬ ଲିଟର ଦୁଗ୍ଧ ସଂଗୃହୀତ ହୋଇଥିଲା।
କାର୍ଯ୍ୟକ୍ରମରେ ରେଙ୍ଗାଲି ବିଡିଓ କୃଷ୍ନଚନ୍ଦ୍ର ଦଳପତି, ତବଡାବାହଲ ସରପଞ୍ଚ ମମତା ପୂଜାରୀ,ଦୁଗ୍ଧ ସଂଘର ସଭାପତି ବିଦ୍ୟାଧର ପଧାନ, ଦୁଗ୍ଧ ସଂଘର କନିଷ୍ଠ ପରିଚାଳକ ସଞ୍ଜିବକୁମାର ଶତପଥୀ ପ୍ରମୁଖ ଯୋଗଦେଇଥିଲେ। ସଂଘର ଆକାଉଣ୍ଟଟେଣ୍ଟ ପ୍ରଶାନ୍ତ କୁମାର ଦେବତା ଧନ୍ୟବାଦ ଅର୍ପଣ କରିଥିଲେ।
Comments are closed.