ରେଙ୍ଗାଲି: ସମ୍ବଲପୁର ଜିଲ୍ଲା ରେଙ୍ଗାଲି ବ୍ଲକ ଅନ୍ର୍ଗତ ଟାମ୍ପରକେଲା ଥିବା ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷୟିତ୍ରୀ କମଳା ରୋହିଦାସଙ୍କ ଆଜି ବୁର୍ଲା ସ୍ଥିତ ଗୁପ୍ତା ନସିଂ ହୋମରେ ଚିକିତ୍ସଧିନ ଅବସ୍ଥାରେ ମୃତ୍ୟୁ ହୋଇଯାଇଛି। ତାଙ୍କର ପାର୍ଥିବ ଶରୀରକୁ ଝାଙ୍କରପାଲି ପଞ୍ଚାୟତର କୁସୁମଡିହି ସ୍ଥିତ ବାସଭବନକୁ ଅଣାଯିବା ପରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା। ବ୍ଲକ ଶିକ୍ଷକ ସଂଘର କର୍ମକର୍ତ୍ତା, ସ୍କୁଲ ର ଛାତ୍ରଛାତ୍ରୀ, ଟାମ୍ପରକେଲା କ୍ଳଷ୍ଟର୍ଦ ଅଧିନସ୍ଥ ଶିକ୍ଷକ ଶିକ୍ଷୟିତ୍ରୀ ଏବଂ ବହୁ ସଂଖ୍ୟକ ଆତ୍ମିୟ ସ୍ୱଜନ ଅନ୍ତିମ ଦର୍ଶନ ପାଇଁ ପହଞ୍ଚି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ଏବଂ ଶୋକସନ୍ତପ୍ତ ପରିବାର ପ୍ରତି ସମବେଦନା ବ୍ୟକ୍ତ କରିଥିଲେ।
ଦିବଙ୍ଗତ କମଳା ରୋହିଦାସ ଜଣେ ଛାତ୍ର ବତ୍ସଳ ଶିକ୍ଷୟିତ୍ରୀ ରୂପେ ପରିଚିତ ଥିଲେ। ତାଙ୍କର ଅକାଳ ବିୟୋଗରେ ସହକର୍ମୀ ଶିକ୍ଷକ ଶିକ୍ଷୟିତ୍ରୀ, ଛାତ୍ରଛାତ୍ରୀ ଏବଂ ଅଭିଭାବକ ତଥା ପରିଚିତ ମହଲରେ ଶୋକର ଛାୟା ଖେଳି ଯାଇଛି। ଦିବଙ୍ଗତ କମଳା ରୋହିଦାସ ୨୦୦୫ରେ ଟାମ୍ପରକେଲା ପ୍ରାଥମିକ ବିଦ୍ୟାଳୟରେ ଶିକ୍ଷକତା ଜୀବନ ଆରମ୍ଭ କରିଥିଲେ। ୨୦୧୮ ମସିହାରେ ଟାମ୍ପରକେଲା ପ୍ରାଥମିକ ବିଦ୍ୟାଳୟ ଟାମ୍ପରକେଲା ଉଚ୍ଚ ବିଦ୍ୟାଳୟ ସହିତ ମିଶ୍ରଣ ହେବା ଫଳରେ ଶ୍ରୀମତୀ ରୋହିଦାସ ଉଚ୍ଚ ପ୍ରାଥମିକ ବିଦ୍ୟାଳୟରେ ଶିକ୍ଷକତା କରି ୨୦୨୦ ମସିହାରୁ ଟାମ୍ପରକେଲା ଉଚ୍ଚ ପ୍ରାଥମିକ ବିଦ୍ୟାଳୟରେ କାର୍ଯ୍ୟରତ ଥିଲେ।
Comments are closed.