ରେଙ୍ଗାଲି : ରେଙ୍ଗାଲି ବ୍ଳକ୍ ର ଲଇଡା ଠାରେ ଥିବା ପୂଜ୍ୟପୂଜା ସଂସଦ ପକ୍ଷରୁ ଶନିବାର ଉତ୍କଳମଣୀ ପଣ୍ଡିତ ଗୋପବନ୍ଧୁଙ୍କ ୧୪୪ତମ ଜୟନ୍ତୀ ପାଳିତ ହୋଇଯାଇଛି। ଅବସରପ୍ରାପ୍ତ ଶିକ୍ଷକ ସନ୍ତୋଷ କୁମାର ଭୋଇଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ରେଙ୍ଗାଲି ବ୍ଳକ୍ ସମାଜ ପ୍ରତିନିଧି ହରିହର ନାଥ,ସଂସଦର ସଭାପତି ସରୋଜ ପୂଜାରୀ, ଅଧ୍ୟାପକ ବିଶ୍ୱନାଥ ପଟେଲ, ସିଆର୍ ସିସି ତଥା ସଂସଦର କାର୍ଯ୍ୟକାରୀ ସମ୍ପାଦକ ସୁରେଶଚନ୍ଦ୍ର ସାହୁ, ସର୍ବାନନ୍ଦ ସରାଫ, ବନାମାଳି ସା ପ୍ରମୁଖ ଯୋଗଦେଇ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ବକ୍ତାମାନେ ପୁଣ୍ୟାତ୍ମା ଉତ୍କଳମଣି ଗୋପବନ୍ଧୁ ଦାସଙ୍କ ବହୁ ମୁଖୀ ପ୍ରତିଭା ଏବଂ ବ୍ୟକ୍ତିତ୍ୱ ସମାଜସେବା, ଓଡିଆ ଭାଷାର ସୁରକ୍ଷା ,ସ୍ୱତନ୍ତ୍ର ଓଡିଶା ପ୍ରଦେଶ ଗଠନ,ସ୍ୱାଧିନତା ସଂଗ୍ରାମ ଏବଂ ସାହିତ୍ୟ କ୍ଷେତ୍ରରେ ଅବଦାନର ସ୍ମୃତିଚାରଣ କରି ତାଙ୍କର ନୀତି ଆଦର୍ଶ ସର୍ବଦା ପ୍ରେରଣାର ଉତ୍ସ ବୋଲି ମତବ୍ୟକ୍ତ କରିଥିଲେ। କାର୍ଯ୍ୟକ୍ରମ ପ୍ରାରମ୍ଭରେ ଉତ୍କଳମଣୀଙ୍କ ଫଟୋଚିତ୍ରରେ ପୂଜା ଅର୍ଚ୍ଚନା ଏବଂ ମାଲ୍ୟାର୍ପଣ କରାଯାଇଥିଲା। ଶେଷରେ ପୂର୍ବତନ ସମିତି ସଭ୍ୟ ଭବାନୀ ଶଙ୍କର ଭୋଇ ଧନ୍ୟବାଦ ଅର୍ପଣ କରିଥିଲେ।
Comments are closed.