ରେଙ୍ଗାଲି କ୍ୟାମ୍ପ: ଦୀର୍ଘ ଦିନର ଚୋରି ସାମଗ୍ରୀ ସହ ଅଭିଯୁକ୍ତମାନେ ଅତାବିରା ପୋଲିସ ହାତରେ ଧରାପଡ଼ି କୋର୍ଟ ଚାଲାଣ ହୋଇଥିବା ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି। ପ୍ରକାଶ ଥାଉକି ଗତ କିଛିଦିନ ତଳେ ଅତାବିରା ୱାର୍ଡ ନଂ ୪ରେ ରହୁଥିବା ଶିତେଶ କୁମାର ଅଗ୍ରୱାଲଙ୍କ ଘରୁ ଏକ ପାଣି ପମ୍ପ ଚୋରି ହୋଇଥିବା ଥାନାରେ ଅଭିଯୋଗ କରିଥିଲେ। ଯାହାକୁ ଭିତ୍ତି କରି ପୋଲିସ ତାର ତଦନ୍ତ ଜାରି ରଖିଥିଲେ। ମଙ୍ଗଳବାର ବିଳମ୍ୱିତ ରାତିରେ ଦୁର୍ଗା ମନ୍ଦିର ପଛପଟ ସ୍ଥିତ କଟକିଆ ପଡ଼ାର କ୍ରୀଷ୍ଣା ମଲ୍ଲିକ ଓରଫ ଡେଭିଡ (୨୨)ଙ୍କୁ ଧରିଥିଲେ। ପରେ ସେ ତାଙ୍କ ସହିତ ସଂଶ୍ଲିଷ୍ଟ ଥିବା ଅନ୍ୟ ଚାରିଜଣ ବ୍ୟକ୍ତିଙ୍କର ନାମ କହିଥିଲେ।
ସେମାନେ ହେଲେ ସଉରା ପଡାର ସୁରଜ୍ କଠାର (୧୯) ଓ କ୍ଷତ୍ରୀୟ ଷଣ୍ଢ(୧୯), କଟକିଆ ପଡ଼ାର ଚନ୍ଦନ ମଲ୍ଲିକ(୨୧) ଓ ତବ୍ରେଜ ଖାଁ ଓରଫ ଇଦୁ(୧୯)। ଏମାନେ ସମସ୍ତେ ଘରେ ସୋଇଥିବା ବେଳେ ପୋଲିସ ଧରିଥିଲା ଏବଂ କେସ ନଂ ୨୫୮ରେ ଏକ କେସ ରୁଜୁ ହୋଇଥିଲା। ଏବେ ସେମାନଙ୍କୁ ଭାରତୀୟ ପେନାଲ କୋର୍ଟ ଧାରା ୩୮୦/୩୪ ଅନୁସାରେ ତାଙ୍କୁ କୋର୍ଟ ଚାଲାଣ କରାଯାଇଛି। ଅତାବିରା ଥାନା ଅଧିକାରୀ ଦିଲିପ୍ ବେହେରାଙ୍କ ନିର୍ଦ୍ଦେଶ କ୍ରମେ ଏଏସଆଇ ଯୁଗଳ ତାଣ୍ଡି ସଦଳବଳେ ଏହି ଦୁର୍ବୃତ୍ତମାନଙ୍କୁ ଧରିଥିଲେ।
Comments are closed.