ନୂଆଦିଲ୍ଲୀ : କେନ୍ଦ୍ର ସରକାର ରେଖା ଶର୍ମାଙ୍କୁ ଜାତୀୟ ମହିଳା କମିଶନ ଅଧ୍ୟକ୍ଷା ଭାବେ ନିଯୁକ୍ତି ଦେଇଛନ୍ତି। ଏହା ପୂର୍ବରୁ ରେଖା ଶର୍ମା ମହିଳା କମିଶନର କାର୍ଯ୍ୟକାରୀ ଅଧ୍ୟକ୍ଷା ଥିଲେ। ଲଳିତା କୁମାରମଙ୍ଗଳମ ପଦରୁ ଅବସର ନେବା ପରେ ରେଖା ଶର୍ମା ୨୦୧୭ରୁ ଅତିରିକ୍ତ ଭାବେ ଜାତୀୟ ମହିଳା କମିଶନ ଅଧ୍ୟକ୍ଷା ପଦ ସମ୍ଭାଳିଥିଲେ। ରେଖା ଶର୍ମା ମହିଳା କମିଶନର କାର୍ଯ୍ୟକାରୀ ଅଧ୍ୟକ୍ଷା ଥିବା ସମୟରେ ଅନେକ ଥର କାରାବାସ ଏବଂ ବାଳିକାଶ୍ରମ ଗସ୍ତ କରି ତଦାରଖ କରିଥିଲେ। ପଶ୍ଚିମବଙ୍ଗ ପଞ୍ଚାୟତ ନିର୍ବାଚନ ହିଂସାକାଣ୍ଡ ବିରୋଧରେ ସେ ତଦନ୍ତ ନିର୍ଦେଶ ଦେଇଥିଲେ। ନିଯୁକ୍ତି ପରେ ନିଜ ପ୍ରତିକ୍ରିୟାରେ ରେଖା କହିଛନ୍ତି ଯେ ମହିଳାଙ୍କ ଅଧିକାର ସୁନିଶ୍ଚିତ କରିବା ଓ ଜନସେଚତନତା ସୃଷ୍ଟି କରିବା ଦିଗରେ କାର୍ଯ୍ୟ କରିବି।
