ଭୁବନେଶ୍ବର : ଚନ୍ଦ୍ର ପଛରେ ଶୁକ୍ର ଗ୍ରହ ଲୁଚିଗଲା, ଅର୍ଥାତ ଚନ୍ଦ୍ରର ଖୁବ୍ ପାଖରେ ଦେଖାଯାଇଛି ଶୁକ୍ର ଗ୍ରହ। ଶୁକ୍ରବାର ଏଭଳି ବିରଳ ମହାଜାଗତିକ ଦୃଶ୍ୟ ସନ୍ଧ୍ୟା ଆକାଶରେ ଦେଖିବାକୁ ମିଳିଥିଲା। ଭୁବନେଶ୍ବରସ୍ଥିତ ପଠାଣି ସାମନ୍ତ ପ୍ଲାନେଟାରିୟମ ଉପନିର୍ଦେଶକ ଡ. ଶୁଭେନ୍ଦୁ ପଟ୍ଟନାୟକ କହିଛନ୍ତି, ସୂର୍ଯ୍ୟ ଚାରିପଟେ ପୃଥିବୀ ୩୬୫ଦିନରେ ଥରେ ଓ ଚନ୍ଦ୍ର ପୃଥିବୀ ଚାରିପଟେ ୨୮ଦିନରେ ଥରେ ଘୂରି ଆସୁଛି। ସେହିପରି ଖାଲି ଆଖିରେ ଦେଖାଯାଉଥିବା ୫ଟି ଗ୍ରହ ଯଥା-ବୁଧ, ଶୁକ୍ର, ମଙ୍ଗଳ, ବୃହସ୍ପତି ଓ ଶନି ମଧ୍ୟ ସୂର୍ଯ୍ୟ ଚାରିପଟେ ବୁଲୁଛନ୍ତି। ଏଗୁଡ଼ିକ ଆକାଶରେ ଏକ ତାରା ଭଳି ଦେଖାଯାଆନ୍ତି। ଆକାଶରେ ଦେଖାଯାଉଥିବା ତାରାଗୁଡ଼ିକ ପୃଥିବୀ ପରିପ୍ରେକ୍ଷୀରେ ସେମାନଙ୍କ ସ୍ଥାନ ବଦଳାନ୍ତି ନାହିଁ। ପୃଥିବୀ, ଚନ୍ଦ୍ର ଓ ଗ୍ରହମାନଙ୍କ ଗତି ଫଳରେ ବେଳେବେଳେ ପୃଥିବୀ ସହ ଚନ୍ଦ୍ର ଓ ଗ୍ରହଟିଏ ଏକ ସରଳରେଖାକୁ ଚାଲି ଆସନ୍ତି। ସେତେବେଳେ ଚନ୍ଦ୍ର ପଛରେ ଗ୍ରହଟି କିଛି ସମୟ ପାଇଁ ଲୁଚିଯାଏ। ଯଦି ଆକାଶରେ ବଡ଼ ଦେଖାଯାଉଥିବା ଚନ୍ଦ୍ର ପଛରେ ଖୁବ୍ ଛୋଟ ଗ୍ରହଟିଏ ଲୁଚିଯାଏ ତାହେଲେ ସମାବରଣ ଘଟିଥାଏ। ଏହା ଖୁବ୍ ସୁନ୍ଦର ଅନୁଭୂତି। ଆଜି ଭାରତୀୟ ସମୟ ୪ଟା ୨୭ ମିନିଟରୁ ୬.୨୭ମିନିଟ ପର୍ଯ୍ୟନ୍ତ ଚନ୍ଦ୍ର ପଛରେ ଲୁଚି ଯାଇଥିଲା ଶୁକ୍ରଗ୍ରହ। ଭୁବନେଶ୍ବର ତଥା ଓଡ଼ିଶାରେ ସନ୍ଧ୍ୟା ୬.୨୦ମିନିଟରୁ ୮.୩୦ମିନିଟ ପର୍ଯ୍ୟନ୍ତ ଚନ୍ଦ୍ରର ଖୁବ୍ ପାଖରେ ଶୁକ୍ରଗ୍ରହ ଦେଖାଯାଇଥିଲା।
Popular Categories
Previous article
Next article