ପେଟ୍ରୋଲ ସରିବା ପରେ ବାଇକରୁ ଓହ୍ଲାଇଲେନି ଗ୍ରାହକ, ଠେଲି ଠେଲି ନେଲେ ରାପିଡୋ ଚାଳକ

ହାଇଦ୍ରାବାଦ : ତେଲଙ୍ଗାନା ରାଜଧାନୀ ହାଇଦ୍ରାବାଦରେ ଏକ ଅଜବ ଘଟଣା ସାମ୍ନାକୁ ଆସିଛି । ଏକ ବାଇକ ଟ୍ୟାକ୍ସିର ପେଟ୍ରୋଲ ସମାପ୍ତ ହେବା ପରେ ଗ୍ରାହକ ଓହ୍ଲାଇବାକୁ ମନା କରିଦେଲେ । ଏହା ପରେ ବାଇକ ଟ୍ୟାକ୍ସି ଚାଳକ ଗ୍ରାହକଙ୍କୁ ବାଇକରେ ବସାଇ ଠେଲି ଠେଲି ପେଟ୍ରୋଲ ପମ୍ପ ପର୍ଯ୍ୟନ୍ତ ନେବାକୁ ପଡିଛି । ଏହି ସମୟର ଦୃଶ୍ୟକୁ କେହି ଭିଡିଓ ଉତ୍ତୋଲନ କରି ସୋସିଆଲ ମିଡିଆରେ ପୋଷ୍ଟ କରିଦେଇଛି । ଭିଡିଓଟି ଏବେ ଭାଇରାଲ ହେବାରେ ଲାଗିଛି ।

A man booked two wheeler rental on rapido

During the drive the bike ran of petrol

The passenger did not want to get down

And this is how the rapido rider continued the journey 😭

What is your opinion on this ? pic.twitter.com/N3HKVdzX0s

— Eminent Woke (@WokePandemic) February 11, 2024

ସୂଚନା ଅନୁସାରେ ହାଇଦ୍ରାବାଦରେ ରାପିଡୋର ଜଣେ ଗ୍ରାହକ ଦୁଇଚକିଆ ଗାଡି ବୁକିଂ କରିଥିଲେ । ବୁକିଂ ଅନୁସାରେ ବାଇକ ଟ୍ୟାକ୍ସି ଚାଳକ ଗ୍ରାହକଙ୍କୁ ବସାଇ ତାଙ୍କ ଗନ୍ତବ୍ୟସ୍ଥଳ ପର୍ଯ୍ୟନ୍ତ ଯାତ୍ରା କରୁଥିଲେ । କିନ୍ତୁ ଏହି ସମୟରେ ଅଧାରେ ଟ୍ୟାକ୍ସିରୁ ତେଲ ସରିଗଲା । ପେଟ୍ରୋଲ ସମାପ୍ତ ହେବା ପରେ ଚାଳକ ବାଇକରୁ ଓହ୍ଲାଇ ଗ୍ରାହକଙ୍କୁ ମଧ୍ୟ ଓହ୍ଲାଇବାକୁ କହିଲେ । ଉଭୟ ଚାଲି ଚାଲି ପେଟ୍ରୋଲ ପମ୍ପରେ ପେଟ୍ରୋଲ ପକାଇ ପୁଣି ଯାତ୍ରା କରିବାକୁ ପରାମର୍ଶ ଦେଲେ ଚାଳକ । କିନ୍ତୁ ଗ୍ରାହକ ଏଥିପାଇଁ ମନା କରିଦେଲେ ।

ବାଇକ ଚାଳକଙ୍କ ଅନେକ ଅନୁରୋଧ ସତ୍ତ୍ବେ ଗ୍ରାହକ ଗାଡିରୁ ଓହ୍ଲାଇବାକୁ ରାଜି ହେଲେନି । ଶେଷରେ ଟ୍ୟାକ୍ସି ଚାଳକ ବାଧ୍ୟ ହୋଇ ତାଙ୍କୁ ବସାଇ ଗାଡି ଠେଲିବାକୁ ଲାଗିଲେ । ଏହି ପରି ସେ ପେଟ୍ରୋଲ ପମ୍ପ ପର୍ଯ୍ୟନ୍ତ ଯାତ୍ରା କଲେ । ତେଲ ପକାଇବା ପରେ ପୁଣି ନିଜ ଗନ୍ତବ୍ୟସ୍ଥଳକୁ ବାହାରିଲେ । କିନ୍ତୁ ଏହି ସମୟର ଦୃଶ୍ୟ କେହି ନିଜ ମୋବାଇଲରେ ଉତ୍ତୋଳନ କରି ସୋସିଆଲ ମିଡିଆରେ ପୋଷ୍ଟ କରିଦେଇଛନ୍ତି । ଯାହା ଫଳରେ ଏବେ ଭିଡିଓଟି ଭାଇରାଲ ହେବାରେ ଲାଗିଛି ।