ଲକ୍ଷ୍ନୌ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମ୍ପର୍କରେ ଟ୍ୱିଟରରେ ଆପତ୍ତିଜନକ ମନ୍ତବ୍ୟ ଦେବା ନେଇ କଂଗ୍ରେସର ଆଇଟି(ସୂଚନା ପ୍ରଯୁକ୍ତି) ପ୍ରକୋଷ୍ଠ ମୁଖ୍ୟ ଦିବ୍ୟା ସ୍ପନ୍ଦନ(ରମ୍ୟା)ଙ୍କ ବିରୋଧରେ ରାଜଦ୍ରୋହ ମାମଲା ରୁଜୁ ହୋଇଛି। ରେଫେଲ ଦୁର୍ନୀତି ପ୍ରସଙ୍ଗରେ ରମ୍ୟା ମୋଦୀଙ୍କୁ ‘ଚୋର’ ବୋଲି ଆକ୍ଷେପ କରି ଟ୍ୱିଟ୍ କରିଥିଲେ। ଏ ନେଇ ତାଙ୍କ ବିରୋଧରେ ସୟଦ ରିଜୱାନ୍ ଅହମଦ ନାମକ ବ୍ୟକ୍ତି ସ୍ଥାନୀୟ ଥାନାରେ ଏତଲା ଦାୟର କରିଛନ୍ତି। ପ୍ରଧାନମନ୍ତ୍ରୀଙ୍କ ପଦମର୍ଯ୍ୟାଦା ଦୃଷ୍ଟିରୁ ତାଙ୍କ ପ୍ରତି ଏଭଳି ଶବ୍ଦ ପ୍ରୟୋଗ ଅପମାନଜନକ ବୋଲି ରିଜୱାନ୍ ଦର୍ଶାଇଛନ୍ତି। ଏଭଳି ସମାଲୋଚନା ରାଜଦ୍ରୋହ ପଦବାଚ୍ୟ ବୋଲି ସେ ଅଭିଯୋଗରେ ଉଲ୍ଲେଖ କରିଛନ୍ତି। ଏ ସମ୍ପର୍କରେ ରମ୍ୟା ‘ହଉ, ଠିକ୍ ଅଛି’ ବୋଲି ହାଲ୍କା ପ୍ରତିକ୍ରିୟା ପ୍ରକାଶ କରିଛନ୍ତି। ରମ୍ୟା କ୍ରମାଗତ ଭାବେ ପ୍ରଧାନମନ୍ତ୍ରୀଙ୍କୁ ସମାଲୋଚନା କରିଆସୁଛନ୍ତି ।
Popular Categories
Previous article
Next article