ପିପିଲି: ରାମଚଣ୍ଡି ଥାନାର ଆଇଆଇସି ନାରାୟଣ ଚନ୍ଦ୍ର ଲେଙ୍କା ଶୁକ୍ରବାର ସକାଳେ ଆହତ ହୋଇଥିବା ସୂଚନା ମିଳିଛି । ସେ ପିପିଲି ବ୍ଳକର ଯଶୁଆପୁର ପଞ୍ଚାୟତର ସରପଞ୍ଚ ଉପନିର୍ବାଚନରେ ନିଜ ଦାୟିତ୍ୱ ତୁଲାଉଥିବା ସମୟରେ ଅସାବଧାନତା ବସତଃ ଆହତ ହୋଇଛନ୍ତି । ସାତଶଙ୍ଖ ପୁଲିସ ଫାଣ୍ଡି ନିକଟରେ ଗାଡିରୁ ଓହ୍ଲାଇ ଯାଉଥିବା ବେଳେ ଅସାବଧାନତା ବସତଃ ତଳେ ପଡି ଯାଇଥିଲେ । ଏଥିରେ ତାଙ୍କ ଡାହାଣ ଗୋଡର ବଳାଗଣ୍ଠିରେ ଗୁରୁତର ଆଘାତ ଲାଗିଥିବା ବେଳେ ହାଡ ଭାଙ୍ଗି ଯାଇଥିବା ସଂପର୍କରେ ଏସ୍ଡିପିଓ ଦେବଦତ୍ତ ବରାଳ ସୂଚନା ଦେଇଛନ୍ତି । ଭୁବନେଶ୍ୱର ସ୍ଥିତ ଏକ ଘରୋଇ ଡାକ୍ତରଖାନାରେ ତାଙ୍କୁ ଚିକିତ୍ସା ପାଇଁ ଭର୍ତ୍ତି କରାଯାଇଥିବା ସୂଚନା ମିଳିଛି ।
Comments are closed.