ପିପିଲି :ପିପିଲି ଓକିଲ ସଂଘର ସଭାପତି ଭାବେ ରାଜକିଶୋର ସ୍ୱାଇଁ ଓ ସଂପାଦକ ଭାବେ ବସନ୍ତ କୁମାର ପରିଡା ନିର୍ବାଚିତ ହୋଇଛନ୍ତି । ସଂଘର ଉପସଭାପତି ଭାବେ ଶିବସୁନ୍ଦର ଜେନା, ଯୁଗ୍ମ ସମ୍ପାଦକ ଭାବେ ରସିଦ ଖାନ, ସୁବାଷ ଚନ୍ଦ୍ର ମିଶ୍ର ଏବଂ କାର୍ଯ୍ୟକାରିଣୀ ସଦସ୍ୟ ଭାବେ ବିଚିତ୍ରଭୂଷଣ ମହାପାତ୍ର ନିଦ୍ୱର୍ନ୍ଦରେ ନିର୍ବାଚିତ ହୋଇଛନ୍ତି ।
ରାଜ୍ୟବ୍ୟାପୀ ବାର ଆସୋସିଏସନ(ଓକିଲ ସଂଘ) ଗୁଡ଼ିକର ନିର୍ବାଚନ ପରିପ୍ରେକ୍ଷୀରେ ପିପିଲି ବାର ଆସୋସିଏସନର କାର୍ଯ୍ୟକର୍ତ୍ତା ନିର୍ବାଚନ ଶନିବାର ଅନୁଷ୍ଠିତ ହୋଇଥିଲା । ସକାଳ ୮ଟାରୁ ଅପରାହ୍ନ ୩ଟା ପର୍ଯ୍ୟନ୍ତ ସଂଘର ସଭ୍ୟ ଥିବା ଆଇନଜୀବୀମାନେ ନିଜ ନିଜର ମତ ସାବ୍ୟସ୍ତ କରିଥିଲେ । ସଭାପତି ପଦବୀରେ ଆଇନଜୀବୀ ରାଜକିଶୋର ସ୍ୱାଇଁ ଓ ହାଡ଼ୁବନ୍ଧୁ ଜେନାଙ୍କ ମଧ୍ୟରେ ପ୍ରତିଦ୍ୱନ୍ଦିତା ହୋଇଥିବା ବେଳେ ରାଜକିଶୋର ସର୍ବମୋଟ୍ ୩୮ଖଣ୍ଡ ଭୋଟ ପାଇ ବିଜୟ ଲାଭ କରିଥିଲେ । ସେହିପରି ସଂପାଦକ ପଦବୀ ପାଇଁ ବସନ୍ତ କୁମାର ଦାଶ ଓ ବସନ୍ତ କୁମାର ପରିଡାଙ୍କ ମଧ୍ୟରେ ପ୍ରତିଦ୍ୱନ୍ଦିତା ହୋଇଥିବା ବେଳେ ଏଥିରେ ବସନ୍ତ କୁମାର ପରିଡା ବିଜୟ ହାସଲ କରିଥିଲେ । ବରିଷ୍ଠ ଆଇନଜୀବୀ ତଥା ସରକାରୀ ଓକିଲ ପ୍ରସନ୍ନ କୁମାର ଚମ୍ପତି ନିର୍ବାଚନ ଅଧିକାରୀ ଓ ବିଭୁପ୍ରସାଦ ବୈରିଗଞ୍ଜନ ସହକାରୀ ନିର୍ବାଚନ ଅଧିକାରୀଭାବେ ଏହି ନିର୍ବାଚନକୁ ପରିଚାଳନା କରିଥିଲେ ।
Comments are closed.