ନୂଆଦିଲ୍ଲୀ: ଇଂଲଣ୍ଡ ବିପକ୍ଷରେ ଭାରତ ୫ ମ୍ୟାଚ୍ର ଟେଷ୍ଟ ଶୃଙ୍ଖଳା ଖେଳିବ। ବ୍ୟକ୍ତିଗତ କାରଣରୁ ଶୃଙ୍ଖଳାର ପ୍ରଥମ ୨ଟି ଟେଷ୍ଟମ୍ୟାଚ୍ରୁ ଓହରି ଯାଇଛନ୍ତି ବିରାଟ କୋହଲି। ଏହି ୨ଟି ଟେଷ୍ଟମ୍ୟାଚ୍ ପାଇଁ କୋହଲିଙ୍କ ବଦଳ ଖେଳାଳି ଭାବେ ରଜତ ପଟିଦାରଙ୍କୁ ଭାରତୀୟ ଦଳରେ ସାମିଲ କରାଯାଇଛି। ମଧ୍ୟପ୍ରଦେଶର ପଟିଦାର ଇଂଲଣ୍ଡ ଲାୟନ୍ସ ବିପକ୍ଷରେ ଭାରତ ‘ଏ’ ପାଇଁ ଅହମ୍ମଦାବାଦରେ ମ୍ୟାଚ୍ ଖେଳୁଥିଲେ। ଟେଷ୍ଟ ଦଳରେ ସ୍ଥାନପାଇବା ପରେ ପଟିଦାର ବୁଧବାର ସନ୍ଧ୍ୟାରେ ହାଇଦରାବାଦରେ ପହଞ୍ଚି ଭାରତୀୟ ଦଳରେ ଯୋଗ ଦେଇଛନ୍ତି। ୩ ଜଣ ଆନ୍ତର୍ଜାତିକ ବୋଲରଙ୍କୁ ନେଇ ଖେଳୁଥିବା ଇଂଲଣ୍ଡ ଲାୟନ୍ସ ବିପକ୍ଷରେ ପ୍ରଥମ ମ୍ୟାଚ୍ରେ ରଜତ ପଟିଦାର ୧୫୮ ବଲ୍ରୁ ୧୫୧ ରନ୍ କରିଥିଲେ। ୩୦ ବର୍ଷ ବୟସ୍କ ରଜତ ପଟିଦାର ପ୍ରଥମଶ୍ରେଣୀ କ୍ରିକେଟ୍ରେ ୪୫.୯୭ ଆଭ୍ରେଜରେ ୧୨ଟି ଶତକ ସହ ୪୦୦୦ ରନ୍ କରିଛନ୍ତି। ଗତ ଡିସେମ୍ବରରେ ଦକ୍ଷିଣ ଆଫ୍ରିକା ବିପକ୍ଷରେ ପଟିଦାର ଦିନିକିଆ ପଦାର୍ପଣ କରିଥିଲେ।
Popular Categories
Previous article
Next article