ଜୟପୁର : ରାଜସ୍ଥାନର ଅଜମେରରେ ଏକ ବଡ ଧରଣର ଟ୍ରେନ୍ ଦୁର୍ଘଟଣା ଘଟିଛି। ଜିଲାର ମଦାର ରେଲୱେ ଷ୍ଟେସନ ନିକଟରେ ସାବରମତୀ-ଆଗ୍ରା ସୁପରଫାଷ୍ଟ ଟ୍ରେନ୍ର ଚାରିଟି ବଗି ଓ ଇଞ୍ଜିନ ଲାଇନଚ୍ୟୁତ ହୋଇଛି। ଏହି ଦୁର୍ଘଟଣାରେ ଅନେକ ଯାତ୍ରୀ ଆହତ ହୋଇଛନ୍ତି। ଏହି ଦୁର୍ଘଟଣା ବିଳମ୍ବିତ ରାତି ପ୍ରାୟ ୧ଟାରେ ଘଟିଥିବା ଜଣାପଡିଛି। ଦୁର୍ଘଟଣା ବିଷୟରେ ଖବର ପାଇବା ମାତ୍ରେ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଥିଲେ। ଗଣମାଧ୍ୟମ ରିପୋର୍ଟ ଅନୁଯାୟୀ, କିଛି ଯାତ୍ରୀ ସାମାନ୍ୟ ଆହତ ହୋଇଛନ୍ତି। ଆହତଙ୍କୁ ଚିକିତ୍ସା ପାଇଁ ହସ୍ପିଟାଲ ପଠାଯାଇଛି।
ଦୁର୍ଘଟଣା ପରେ ଏହି ଲାଇନରେ ଯିବାକୁ ଥିବା ୬ଟି ଟ୍ରେନ୍କୁ ବାତିଲ କରାଯିବା ସହ ୨ଟି ଟ୍ରେନ୍ର ଗତିପଥରେ ପରିବର୍ତ୍ତନ କରାଯାଇଛି। ଦୁର୍ଘଟଣାର କାରଣ ବର୍ତ୍ତମାନ ସୁଦ୍ଧା ଅସ୍ପଷ୍ଟ ରହିଛି। ଦୁର୍ଘଟଣା ପରେ ଯାତ୍ରୀଙ୍କୁ ଅଜମେର ରେଳ ଷ୍ଟେସନ ପଠାଯାଇଥିଲା।
ପୁଣି ଟ୍ରେନ୍ ଦୁର୍ଘଟଣା ; ୪ ବଗି ଲାଇନଚ୍ୟୁତ ; କିଛି ଯାତ୍ରୀ ଆହତ
Popular Categories
Previous article
Next article