କଳାପଥର (ବାଙ୍କୀ) : ଧଳାପଥର ଗ୍ରାମର ଆରାଧ୍ୟ ଦେବ ରାଧାବଲ୍ଲବଙ୍କ ଆମ୍ର କାନନରେ ଚଳିତ ବର୍ଷ ରଜ ମହୋତ୍ସବ ଉଦଯାପିତ ହୋଇଯାଇଛି। ଧଳାପଥର ରଜ ମହୋତ୍ସବ କମିଟି ସମେତ ଗ୍ରାମବାସୀଙ୍କ ପ୍ରତେକ୍ଷ ତତ୍ତ୍ୱବଧାନରେ ଆୟୋଜିତ ରଜ ମହୋତ୍ସବ ଅବସରରେ ବିଶାଳ ମଶାଲ ଶୋଭଯାତ୍ରା ଆୟୋଜିତ ହୋଇଥିଲା।ପରେ ସରକାରଙ୍କ ସଂସ୍କୃତି ବିଭାଗ ତରଫରୁ ସୁନ୍ଦରଗଡ଼ ଜିଲ୍ଲା ମା’ କାନକେଶ୍ୱରୀ ଝୁମୁରି ନାଚ, ଭୁବନେଶ୍ୱର ମୃଦଙ୍ଗ ଲୋକନାଟ୍ୟ କଳା, ନମାମି ଏକାଡେମୀ ଭୁବନେଶ୍ୱର ସମେତେ ଧଳାପଥର ସଂଗୀତ ବିଦ୍ୟାଳୟ ନୃତ୍ୟ ପରିବେଶକୁ ବିମୋହିତ କରିଥିଲା। ଏହି ଅବସରରେ ଏକ ସଭା ଅନୁଷ୍ଠିତ ହୋଇଥିଲା। ଶିକ୍ଷକ ଅଖିଳେଶ ମହାପାତ୍ର ଓ ଶ୍ରୀକାନ୍ତ କୁମାର ନାୟକଙ୍କ ସଂଯୋଜନା ଏବଂ ବରିଷ୍ଠ ସାମ୍ବାଦିକ ତଥା ରଜ କମିଟିର ସମ୍ପାଦକ ରମେଶ ରଞ୍ଜନ ସାହୁ ସ୍ଵାଗତ ଭାଷଣ ସହ ପରିଚୟ ପ୍ରଦାନରେ ସମିତିସଭ୍ୟ ବିଜୟ କୁମାର ସୁବୁଦ୍ଧିଙ୍କ ଅଧକ୍ଷତାରେ ଅନୁଷ୍ଠିତ ଉତ୍ସବରେ ମୁଖ୍ୟ ଅତିଥି ଭାବେ ସମାଜସେବୀ ପ୍ରଦୀପ ସାହୁ, ମୁଖ୍ୟ ବକ୍ତା ବିଶ୍ୱଜିତ ମିଶ୍ର, ଧଳାପଥର ସରପଞ୍ଚ ନାରାୟଣ ସାହୁ, ପୂର୍ବତନ ସରପଞ୍ଚ ସୁରଜ ପ୍ରସାଦ ସୁବୁଧି, ଲକ୍ଷ୍ମୀଧର ସୁବୁଦ୍ଧି ପ୍ରମୁଖ ଯୋଗଦେଇ ଥିଲେ। ପରେ ଅଂଚଳର ବିଭିନ୍ନ ପ୍ରତିଭା ମାନଙ୍କୁ ପୁରସ୍କୃତ କରାଯାଇଥିଲା। ପରେ ସାଂସ୍କୃତିକ କାଯ୍ୟକ୍ରମ ଅନୁଷ୍ଠିତ ହୋଇଥିଲା।
Popular Categories
Previous article
Next article