ପାତ୍ରପୁର : ଜରଡ଼ା ଥାନା ଅନ୍ତର୍ଗତ ପଦ୍ମପୁର ଘାଟିରେ ଏକ ଯାତ୍ରୀବାହୀ ଅଟୋ ଓଲଟି ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ୭ଜଣ ଗୁରୁତର ଆହତ ହୋଇଥିବା ଜଣାପଡିଛି । ମୃତକ ଜଣକ ହେଲେ ଖାରିଆଗୁଡ଼ା ପଞ୍ଚାୟତ ଅନ୍ତର୍ଗତ ଏସ.ବି ଜଗଦେବାପୁର ଗ୍ରାମର ସସ୍ମିତା ସାହୁ (୨୮) ବୋଲି ଜଣାପଡିଛି । ସେହିପରି ଆହତ ମାନେ ହେଲେ ସେହି ଗ୍ରାମର ପିଙ୍କୁ ସାହୁ (୨୬) ସହଦେବ ସାହୁ ( ୫୦), ଇନ୍ଦ୍ରା ସାହୁ (୪୦), ବେନି ସେଠୀ (୬୦), ସପନ ପ୍ରଧାନ (୩୨), ସୁଦଶ୍ନା ସାହୁ (୨୦), ଓ ତାଳପଡ଼ା ଗ୍ରାମର ଘରମଣି ସାହୁ (୨୨) ବୋଲି ଜଣାପଡିଛି। ସ୍ଥାନୀୟ ଲୋକେ ସମସ୍ତଙ୍କୁ ପାତ୍ରପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିବା ବେଳେ ଡାକ୍ତର ସସ୍ମିତାଙ୍କୁ ମୃତ ଘୋଷଣା କରିଥିଲେ। ସମସ୍ତେ ଶ୍ରମିକ ଭାବେ କାମ କରନ୍ତି। ସେମାନେ ସାମନ୍ତରାପୁର ପଞ୍ଚାୟତ ଅନ୍ତର୍ଗତ ଗୋବିନ୍ଦପୁର ଗ୍ରାମରେ ଘର ଛାତ କାମରେ ସାରି ଫେରିବା ବେଳେ ଅଟୋଟି ଭାରସାମ୍ୟ ହରାଇ ଓଲଟି ପଡିଥିଲା। ଆହତ ମାନେ ପାତ୍ରପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସିତ ହେଉଥିବା ଜଣାପଡିଛି। ଜରଡା ପୁଲିସ ଡାକ୍ତଖାନାରେ ପହଞ୍ଚି ମୃତ ଦେହ ଜବତ କରି ବ୍ୟବଛେଦ ନିମନ୍ତେ ବ୍ରହ୍ମପୁର ପଠାଇଛି । ଏନେଇ ଏକ ମାମଲା ରୁଜୁ ହୋଇଛି ।
Popular Categories
Previous article
Next article