ରେଳବାଇ ପକ୍ଷରୁ ଦିଆଗଲାଣି ୩.୨୨କୋଟି ଟଙ୍କାର ସହାୟତା ରାଶି

ଡେସ୍କ : ବାଲେଶ୍ବରର ବହାନଗା ଭୟଙ୍କର ରେଳ ଦୁର୍ଘଟଣା ପରେ ରେଳବାଇ ପକ୍ଷରୁ ଘୋଷଣା କରାଯାଇଥିବା ଅନୁକମ୍ପା ମୂଳକ ସହାୟତା ରାଶି ପ୍ରଦାନ ଆରମ୍ଭ ହୋଇଛି । ରବିବାର ଅପରାହ୍ଣ ସୁଦ୍ଧା ୩.୨୨କୋଟି ଟଙ୍କାର ସହାୟତା ରାଶି ପ୍ରଦାନ କରାଯାଇଥିବା ଜଣାଯାଇଛି । ୧୧ ଜଣ ମୃତଙ୍କ ନିକଟ ସଂପର୍କୀୟ, ୫୦ ଜଣ ଗୁରୁତର ଏବଂ ୨୨୪ ଜଣ ଆହତ (ମୋଟ ୨୮୫ ଜଣ)ଙ୍କୁ ଏହି ସହାୟତା ରାଶି ପ୍ରଦାନ କରାଯାଇଛି ।

ଭାରତୀୟ ରେଳବାଇ ପକ୍ଷରୁ ସୋର,ଖଡଗପୁର, ବାଲେଶ୍ବର, ଖନ୍ତାପଡା, ଭଦ୍ରକ, କଟକଓ ଭୁବନେଶ୍ବର ଆଦି ୭ଟି ସ୍ଥାନରେ ସହାୟତା ରାଶି ପ୍ରଦାନ କରାଯାଉଥିବା ସୂଚନା ଦିଆଯାଇଛି।

ସୂଚନା ଯୋଗ୍ୟ  କରମଣ୍ଡଳ ଏକ୍ସପ୍ରେସ ଦୁର୍ଘଟଣାରେ ମୃତାହତଙ୍କ ପ୍ରତି ରେଳବାଇ ପକ୍ଷରୁ ସହାୟତା ଘୋଷଣା କରାଯାଇଥିଲା । ମୃତକଙ୍କ ପରିବାରକୁ ୧୦ ଲକ୍ଷ ଟଙ୍କା,  ଗୁରୁତର ଆହତଙ୍କୁ ୨ ଲକ୍ଷ ଓ ସାମାନ୍ୟ ଆହତଙ୍କୁ ୫୦ ହଜାର ଟଙ୍କାର ସହାୟତା ପ୍ରଦାନ ନେଇ ଘୋଷଣା କରାଯାଇଥିଲା।