ଗୋପାଳପୁର : ଗୋପାଳପୁର ଥାନା ଅନ୍ତର୍ଗତ କରାପିଲ୍ଲୀ ସ୍ଥିତ ଜାମ ଜାମ ରେଷ୍ଟୁରେଣ୍ଟ ପଛପଟେ ଗତକାଲି ରାତିରେ ଜୁଆଆଡ୍ଡା ଚାଲିଥିବା ପୁଲିସ ଖବର ପାଇଁ ଚଢ଼ାଉ କରି ୨ ଜଣକୁ ଗିରଫ କରିଛି । ସେମାନେ ହେଲେ କେ. ନୂଆ ଗାଁ ରାଧା ମୋହନପୁର ଗ୍ରାମର ରଞ୍ଜନ ସାହୁ, ଚିକିଟି ପେଣ୍ଠର କାହ୍ନୁ ଚରଣ ସାହୁ । ସୂଚନା ପ୍ରକାରେ ଜାମ ଜାମ ରେଷ୍ଟୁରେଣ୍ଟ ପଛପଟେ ଜୁଆଆଡ୍ଡା ଚାଲିଥିବା ନେଇ କୌଣସି ସୂତ୍ରରୁ ଗୋପାଳପୁର ପୁଲିସ ଖବର ପାଇ ଗତକାଲି ରାତି ପ୍ରାୟ ୮ ସମୟରେ ଥାନା ଅଧିକାରୀ ଶରତ କୁମାର ମାହାଲିକଙ୍କ ନିର୍ଦ୍ଦେଶ କ୍ରମେ ଏକ ପୁଲିସ ଟିମ ଚଢ଼ାଉ କରିଥିଲେ ।
ସେଠାରେ ୧୨ ରୁ ୧୩ ଜଣ ଖେଳୁଥିବାବେଳେ ପୁଲିସକୁ ଦେଖି ଦୌଡ଼ି ପଳାଇଥିବା ବେଳେ ରଞ୍ଜନ ଓ କାହ୍ନୁ ପୁଲିସକୁ ଗାଳି ଗୁଲଜ କରିବା ସହ ଆକ୍ରମଣ କରିଥିଲେ । ପୁଲିସ ଉଭୟଙ୍କୁ କାବୁ କରିଥିଲା । ସେଠାରୁ ୬୪ ହଜାର ୮୦ ଟଙ୍କା, ୩ ଟି ମୋବାଇଲ, ୨ ଟି କାର, ଗୋଟିଏ ତାସ କାଟା, ଗୋଟିଏ ଜରି ପାଲ ଜବତ କରି ଆଜି କେସ ନମ୍ବର ୧୧୦/୨୪ ମାମଲା ରୁଜୁ କରି କୋର୍ଟ ଚାଲାଣ କରିଥିବା ଥାନା ଅଧିକାରୀ ସୂଚନା ଦେଇଛନ୍ତି । ଚଢ଼ାଉ ବେଳେ ଏସ ଆଇ ଶିଶିର କାନ୍ତ ସାହାଣୀ, ଜି. ବିଶ୍ଵନାଥ ରେଡି, ଉପେନ୍ଦ୍ର ବେହେରା, ସରୋଜ କୁମାର ଭୂୟାଁ, ଆଲଫିସ ଗମାଙ୍ଗ, ଆନିଶ ଖାନ, କେ. ମଧୁ ସାମିଲ ଥିଲେ ।
Comments are closed.