ନୂଆଦିଲ୍ଲୀ: ପୂର୍ବ ଲଦାଖରେ ଚୀନ ଏବଂ ଭାରତ ମଧ୍ୟରେ ଉତ୍ତେଜନା ଜାରି ରହିଛି। ଏହି ପ୍ରସଙ୍ଗରେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ କେନ୍ଦ୍ର ସରକାରଙ୍କୁ ବାରମ୍ବାର ଟାର୍ଗେଟ କରିଆସୁଛନ୍ତି। ରବିବାର ରାହୁଲ ପୁଣି ଥରେ ଟ୍ବିଟ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କଟାକ୍ଷ କରିଛନ୍ତି। ସେ କହିଛନ୍ତି, ମୋଦୀଙ୍କୁ ଛାଡ଼ି, ଦେଶର ସମସ୍ତ ନାଗରିକଙ୍କର ଭାରତୀୟ ସେନାର କ୍ଷମତା ଉପରେ ଭରସା ଅଛି।
ରାହୁଲ ଟ୍ବିଟ୍ରେ ଲେଖିଛନ୍ତି, ସବୁ ନାଗରିକ ଭାରତୀୟ ସେନାର ଶକ୍ତି ଏବଂ ବୀରତା ଉପରେ ବିଶ୍ଵାସ କରୁଛନ୍ତି, କିନ୍ତୁ ପ୍ରଧାନମନ୍ତ୍ରୀଙ୍କୁ ଛାଡ଼ି, ଯିଏ ଚୀନକୁ ଆମ ଜାଗା କବ୍ଜା କରିବାକୁ ଅନୁମତି ଦେଇଛନ୍ତି। ଏହା ପୂର୍ବରୁ ଗତ ଶୁକ୍ରବାର ରାହୁଲ ଟ୍ବିଟ୍ କରି କହିଥିଲେ, ଭାରତ ସରକାର ଲଦାଖ ମାମଲାରେ ଚୀନର ଆଭିମୁଖ୍ୟକୁ ସାମ୍ନା କରିବାକୁ ଡରୁଛନ୍ତି। ଚୀନ ନିଜକୁ ପ୍ରସ୍ତୁତ କରୁଛି ଏବଂ ନିଜର ସ୍ଥିତିକୁ ମଜଭୁତ କରୁଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସାହସର ଅଭାବ ଥିବା ଏବଂ ଗଣମାଧ୍ୟମ ସାମ୍ନାରେ ନୀରବତା ରକ୍ଷା କରୁଥିବାରୁ ଏହା ପାଇଁ ଭାରତକୁ ବହୁମୂଲ୍ୟ ଦେବାକୁ ପଡ଼ିବ।
Comments are closed.